‘नागपूरात जपानचा सेमी कंडक्टरचा प्रकल्प…,’ काय म्हणाले नितीन गडकरी

नागपूरातील बुटी बोरी ( Butibori ) येथे जपानच्या होरीबा इंस्ट्रुमेंट कंपनीचा मेडिकल इक्वीमेंट प्रकल्प सुरु झाला आहे. त्यातून अनेकांना रोजगार मिळत आहे. आता जपानचा सेमी कंडक्टरचा प्रकल्प देखील नागपूरात आणण्याचा आमचा विचार असल्याचे केंद्रीय रस्ते वाहतूक आणि महामार्ग मंत्री नितीन गडकरी यांनी आज एका कार्यक्रमात म्हटले आहे. यावेळी ते पुढे म्हणाले की विदर्भात दहा हजार शेतकऱ्यांनी आत्महत्या केल्या आहेत. त्यामुळे येथील बुटी बोरी येथे आशियातील सर्वात मोठी औद्योगिक वसाहत वसविण्यात आली आहे. सेमी कंडक्टर आणि हायड्रोजन कार सध्या सर्वात वेगाने वाढणाऱ्या इंडस्ट्री आहेत. फाईव्ह ट्रिलीयन डॉलर इकॉनॉमी करण्याचे पंतप्रधान यांचं स्वप्न आहे.भारताची अर्थव्यवस्था जगात तिसरी करण्याची योजना आहे.आपण जेव्हा या खात्याचा चार्ज घेतला तेव्हा ऑटोमोबाईल इंडस्ट्रीज 7 लाख कोटींची होती आणि भारताचा नंबर जगात 7 वा होता. तीन महिन्यात आम्ही जपानाला मागे टाकत आमचा क्रमांक आता 3 आहे. याबद्दल जपानने वाईट वाटून घेऊ नये असेही त्यांनी यावेळी मिश्कीलपणे सांगितले. होरीबा इंडस्ट्रीजने विदर्भात सेमी कंडक्टरचा प्रकल्प आणावा अशी माझी आणि उपमुख्यमंत्री देवेंद्र फडणवीस यांचीही इच्छा असल्याचे ते यावेळी म्हणाले. ऑटोमोबाईल आणि सेमी कंडक्टर जगात मोठे उद्योग आहेत. ऑटोमोबाईल इंडस्ट्री अमेरिकेत 80 लाख कोटींची आहे, तर चायना 45 लाख कोटी, आपली भारताची 28 लाख कोटींची आहेत आमचा संकल्प आहे येत्या काही वर्षांत ती 50 लाख कोटींची करण्याचा इरादा त्यांनी बोलून दाखविल. ही इंडस्ट्रीज चार कोटी जॉब तयार करते आणि केंद्र आणि राज्यांना सर्वाधिक जीएसटी देते असेही नितीन गडकरी यांनी सांगितले.