नितीन गडकरी यांनी घेतली पद आणि गोपनीयतेची शपथ

नितीन गडकरी यांनी तिसऱ्यांदा केंद्रीय मंत्रिमंडळात पद आणि गोपनीयतेची शपथ घेतली. नितीन गडकरी हे संघातील अतिशय जवळचे आहेत.त्यांना नरेंद्र मोदी यांचा स्पर्धक मानले जाते. नागपूर येथून ते लोकसभेवर निवडून आले आहेत. नितीन गडकरी यांच्या रस्ते आणि वाहतूक मंत्रालयाची जबाबदारी गेल्या दोन टर्ममध्ये देण्यात आली होती. आता तिसऱ्यांदा त्यांनी शपथ घेतली आहे. नितीन गडकरी यांचा सर्वच पक्षात मित्रमंडळींचा गोतावळा आहे. भाजपाने यंदा लोकसभा 2024 च्या उमेदवारांच्या पहिल्या यादीत त्यांचे नाव घेतले नव्हते तेव्हा विरोधकांनी विशेष उध्दव ठाकरे यांच्या शिवसेनेचे नेते संजय राऊत यांनी टीका केली होती. नितीन गडकरी यांना पाडण्याचा प्रयत्न केल्याचा आरोपही संजय राऊत यांनी केल्याने खळबळ उडाली होती.