America Iran War: अमेरिका-इराण चर्चा सुरु! वाटाघाटी सुरू असतानाच युद्धाची शक्यता वाढली

मध्य-पूर्व आशियामध्ये अमेरिका आणि इराण यांच्यातील तणाव वाढला आहे. अमेरिकेने आपल्या नागरिकांना तातडीने इराण सोडण्याचे निर्देश दिले आहेत, कारण तेथे इंटरनेट आणि सार्वजनिक वाहतूक सेवा विस्कळीत झाली आहे. इराणमध्ये अमेरिकी पासपोर्ट धारकांना ताब्यात घेतले जाण्याची शक्यताही वर्तवण्यात आली आहे.

एकीकडे अमेरिकेने हा इशारा दिला असतानाच, ओमानमधील मस्कत येथे अमेरिका आणि इराणच्या प्रतिनिधींमध्ये चर्चा झाली. या चर्चेत ओमानचे परराष्ट्र मंत्री बद्र अल बुसैदी यांनी मध्यस्थी केली. अमेरिकेने इराणच्या अणुकार्यक्रमासोबतच बॅलेस्टिक मिसाईल आणि प्रादेशिक सहयोगी गटांवर चर्चा करण्याची मागणी केली, जी इराणने फेटाळली.

या चर्चेदरम्यानच अमेरिकेने मध्य-पूर्व आशियात आपली लष्करी ताकद वाढवली आहे. अमेरिकेने यूएसएस अब्राहम लिंकनसह 12 युद्धनौका, पाणबुड्या आणि अत्याधुनिक विमाने ओमानच्या आखातात तैनात केली आहेत. त्यामुळे चर्चा सुरू असतानाही अमेरिका आणि इराणमध्ये युद्धाची भीती अधिक वाढली आहे.