Vidyand Bapat : गोमूत्र-शेण खाण्याला विरोध म्हणजे हिंदूविरोधी कसं?; विद्यानंद बापटांचा आनंद दवेंना सडेतोड सवाल

अभिनेते अमोल पालेकर यांच्या उपस्थितीत सन्मानित झाल्यानंतर विद्यानंद बापट यांनी टीव्ही ९ मराठीशी संवाद साधला. यावेळी त्यांनी आपल्यावरील ‘हिंदू विरोधी’ असल्याच्या आरोपांना सडेतोड उत्तर दिले. गोमूत्र आणि शेण खाण्याच्या प्रथेवर टीका केल्याबद्दल आनंद दवे यांनी केलेल्या आरोपांना बापट यांनी ‘हास्यास्पद’ संबोधले. जनावरांचे मलमूत्र खाणे हा केळसवाणा प्रकार असून, त्याला विरोध करणे म्हणजे माणूसविरोधी ठरवणे, असे त्यांचे म्हणणे होते. कोणत्याही धर्माशी त्याचा संबंध नसून, केवळ स्वच्छतेचा प्रश्न आहे, असे बापट यांनी स्पष्ट केले.

गणेशोत्सवातील डीजेच्या दणदणाटावरही त्यांनी तीव्र आक्षेप घेतला. उत्सवखोरांना मिळणाऱ्या परवानग्यांमुळे त्यांचा माज वाढतो. एकदा परवानगी दिल्यावर ध्वनी प्रदूषणावर नियंत्रण ठेवणे कठीण होते. त्यामुळे परवानग्या देतानाच प्रशासनाने विचारपूर्वक निर्णय घ्यावा आणि अशा ‘माजलेल्या, धर्मभोळ्या’ उत्सवखोरांना सक्तीने आवर घालावा, अशी मागणी विद्यानंद बापट यांनी केली. नागरिकांना होणारा त्रास टाळण्यासाठी कठोर उपाययोजना करणे आवश्यक असल्याचे त्यांनी नमूद केले.