Santosh Deshmukh Case : वाल्मिक कराडचा काऊंटडाऊन सुरू? आरोप निश्चित करण्यासाठी कोर्टाकडून डेडलाईन, काय झाला युक्तिवाद?

संतोष देशमुख हत्या प्रकरणातील प्रमुख आरोपी वाल्मिक कराडवर येत्या 23 डिसेंबर रोजी आरोप निश्चिती होण्याची दाट शक्यता आहे. मुंबई हायकोर्टाच्या छत्रपती संभाजीनगर खंडपीठात या प्रकरणावर नुकतीच सुनावणी पार पडली. या सुनावणीदरम्यान, आरोपींच्या वकिलांनी विशेष सरकारी वकील उज्ज्वल निकम यांना बदलण्याची मागणी केली. उज्ज्वल निकम हे एका राजकीय पक्षाशी संबंधित असल्याने प्रकरणावर परिणाम होत असल्याचा आरोप त्यांनी केला, परंतु निकम यांनी कायद्यात अशी तरतूद नसल्याचे स्पष्ट केले. न्यायालयात आरोपी सुदर्शन घुले याला व्हीसीद्वारे हजर करण्यात आले. आरोपी विष्णू चाटेबाबतही युक्तिवाद झाला, ज्यात सरकारी पक्षाने त्याच्या सक्रिय सहभागावर भर दिला. संतोष देशमुखांना मारहाणीचा व्हिडिओ आरोपींच्या वकिलांना देण्याचे निर्देश कोर्टाने दिले असून, तो व्हायरल न करण्याची काळजी घेण्यास सांगितले. पेनड्राईव्हमधील व्हिडिओ पाहण्यासाठी 23 डिसेंबरपर्यंतची अंतिम मुदत देण्यात आली आहे. यानंतर कोणतीही दिरंगाई खपवून घेतली जाणार नाही असे न्यायालयाने स्पष्ट केले आहे.