Electric Car : ‘मारुती’ची ‘ही’ इलेक्ट्रिक कार लवकरच करणार एन्ट्री, जाणून घ्या किंमत आणि फीचर्स…
मारुतीची वायवाय 8 ला 2 व्हील्स ड्राइव्ह आणि ऑल व्हील ड्ररायविंकसह उपलब्ध करण्यात येणार आहे. या सोबतच याचा 2700 एमएमचा व्हीलबेस देखील मिळू शकतो. दरम्यान, 2 व्हील ड्रायव्हींगचा पर्याय केवळ घरगुती बाजारातच उपलब्ध असणार आहे.
मुंबई : भारतीय ऑटोमोबाईल (Indian Automobile) बाजाराबाबत बोलायचे झाल्यास, गेल्या एक ते दोन वर्षांमध्ये इलेक्ट्रिक कार (Electric Car) सेगमेंटमध्ये मोठ्या प्रमाणात बदल व विस्तार होत गेला आहे. या सेगमेंटमध्ये टाटा मोटर्स नेहमीच अव्वल राहिली आहे. दुसरीकडे आईसीई इंजिन सेगमेंटमध्ये मारुती देखील आता टॉपवर पोहचली आहे. यात अनेकांना आता असा प्रश्‍न पडलाय, की मारुती सुझुकी आपली इलेक्ट्रिक कार कधी लाँच करणार आहे. मारुती सुझुकीच्या (Maruti Suzuki) अनेक एसयुव्ही कार लाइनअपमध्ये आहेत. त्यांना लवकरच भारतीय बाजारात आणण्यात येणार आहे. यात न्यू जेनरेशन ब्रेझा कारचाही सहभाग असणार आहे. यानंतर कंपनी ऑल न्यू मिडसाइज एसयुव्ही कार विटारालाही बाजारात आणणार आहे. 5 सीटर कारबद्दल बोलायचे झाल्यास मारुती टोयोटासोबत मिळून मारुती एक न्यू एसयुव्ही कार तयार करीत असून त्यात अनेक चांगले फीचर्स देण्यात आले आहेत.
टोयोटाच्या मदतीने कामाला सुरुवात
मारुती सुझुकी आपली पहिली ऑल इलेक्ट्रिक एसयुव्ही कारला बाजारात आणण्यासाठी टोयोटासोबत काम करीत आहे. अद्याप या अपकमिंग कारचे नाव समोर आलेले नाही. परंतु या कारचा कोडनेम समोर आलेला आहे. मारुतीच्या अपकमिंग इलेक्ट्रिक एसयुव्हीचा कोडनेम वायवाय 8 असणार आहे. याची बॉडी स्टाइल मारुती सुझुकी विटारा सारखी असणार आहे. एका माहितीनुसार, या कारचा डायमेंशन ह्युंडाई क्रेटा कारपेक्षाही जास्त असू शकतो.
गाडीवाडी नावाच्या वेबसाइटवर देण्यात आलेल्या माहितीनुसार, मारुतीची अपकमिंग इलेक्ट्रिक कारची स्पर्धा एमजी जेडएस ईव्हीशी होणार असून याच्या साइजमध्येही बरेच साम्य असल्याचे कंपनीकडून सांगण्यात आले आहे. तर दुसरीकडे मारुतीची अपकमिंग इलेक्ट्रिककारची किंमत टाटा नेक्सॉनच्या जवळपास असण्याची शक्यता वर्तविण्यात येत आहे.
2 व्हील्स आणि ऑल व्हील ड्रायव्हिंगचा पर्याय
मारुतीची वायवाय 8 ला 2 व्हील्स ड्राइव्ह आणि ऑल व्हील ड्ररायविंकसह उपलब्ध करण्यात येणार आहे. या सोबतच याचा 2700 एमएमचा व्हीलबेस देखील मिळू शकतो. दरम्यान, 2 व्हील ड्रायव्हींगचा पर्याय केवळ घरगुती बाजारातच उपलब्ध असणार आहे.
दरम्यान, आतापर्यंत समोर आलेल्या माहितीच्या आधारे, या लेटेस्ट इलेक्ट्रिक कारमध्ये सिंगल इलेक्ट्रिक मोटर्स लावण्यात आली आहे. ज्याच्या माध्यमातून 138 एचपीची पावर जनरेट होण्यास मदत होते. या मोटरला पॉवर देण्यासाठी 48 किलोवॅट लीओन बॅटरी लावण्यात आली आहे. लिक झालेल्या माहितीनुसार, ही एक सिंग चार्जमध्ये 4000 किमीपर्यंची रेंज मिळवण्यास सक्षम आहे.