मुंबई-पुणे महामार्गावर Tesla Model 3 चं दर्शन, भारतातील लाँचिंगसाठी कंपनीची जय्यत तयारी
भारत सरकार आणि टेस्ला कंपनीचे मालक एलन मस्क यांच्यात आयात शुल्काबाबत अद्याप कोणतीही स्पष्टता नाही, ज्यामुळे कारचे भारतातील लाँचिंग विलंबाने होऊ शकते.
मुंबई : भारत सरकार आणि टेस्ला कंपनीचे मालक एलन मस्क यांच्यात आयात शुल्काबाबत अद्याप कोणतीही स्पष्टता नाही, ज्यामुळे कारचे भारतातील लाँचिंग विलंबाने होऊ शकते. पण आता असे दिसतेय की, लवकरच टेस्ला त्यांच्या भारतीय चाहत्यांना चांगली बातमी देऊ शकते. खरं तर, अलीकडेच मुंबई-पुणे द्रुतगती मार्गावर दोन टेस्ला मॉडेल 3 कार पाहायला मिळाल्या आहेत, ज्यावरून असा अंदाज लावला जात आहे की, ही कार लवकरच भारतात लॉन्च केली जाऊ शकते. (Two Tesla Model 3 cars spotted on Mumbai Pune Expressway, Elon Musk Planning to huge launch)
खरं तर, टेस्ला क्लब इंडिया (Tesla Club India) नावाच्या अनधिकृत हँडलने दोन कॅमोफ्लॉज्ड मॉडेल 3 टेस्ट व्हीकल्सचे फोटो ट्विट केले आहेत. एका ट्विटमध्ये म्हटले आहे की, “दोन गोपनीय मॉडेल 3 टेस्ट यूनिट्स. पूर्वी पाहिल्याप्रमाणे टेस्टिंग उपकरणासह. 337 नवीन दिसते. ग्राउंड क्लिअरन्स वाढवला गेला आहे की फक्त प्रतिमेचा प्रश्न आहे?”
Two Camouflaged Model 3 Test Units. One with testing apparatus as earlier seen also.
337 seems to be new. Is Ground Clearance raised in it or just image thing?
? : IG wheelsofautomotive0105 #TeslaIndia?? #TCIN pic.twitter.com/QRtiEJ8kRH
— Tesla Club India® (@TeslaClubIN) August 17, 2021
यासह, पुढील ट्वीटमध्ये असाही दावा करण्यात आला आहे की, “हे स्थान मुंबई-पुणे द्रुतगती मार्गावरील स्टारबक्सजवळ सुपरचार्जर पार्किंगचे संभाव्य ठिकाण आहे.”
Location is Parking lot near Starbucks on Mumbai-Pune Expressway. Potential Supercharger location ?
— Tesla Club India® (@TeslaClubIN) August 17, 2021
भारतातील लाँचिंगसाठी कंपनीचं प्लॅनिंग
यापूर्वी ब्लू टेस्ला मॉडेल 3 पुण्याच्या रस्त्यावर पाहायला मिळाली होती, जी चीनच्या शांघायमधील त्याच्या गीगा फॅक्टरीमधून आणली होती. टेस्ला या वर्षी भारतात आपली पहिली ऑल-इलेक्ट्रिक कार लॉन्च करण्याची योजना आखत असल्याने, एलन मस्क संचालित कंपनीने देशात वरिष्ठ कार्यकारी अधिकारी नियुक्त केले आहेत, ज्यांनी देशातील काही कारभार आपल्या हाती घेतला आहे. तथापि, आयात शुल्कावरून सुरू असलेल्या वादामुळे टेस्ला मॉडेल 3 लाँच होण्यास विलंब होऊ शकतो.
$ 39,990 (अंदाजे 30 लाख रुपये) इतक्या किंमतीसह, टेस्ला मॉडेल 3 अमेरिकेत परवडणारे मॉडेल म्हणून उपस्थित आहे, परंतु कोणतेही आयात शुल्क न घेता, भारतात अंदाजे 60 लाख रुपयांच्या किंमतीत उपलब्ध असेल. ही किंमत भारतीय बाजारात परवडण्यायोग्य नाही.
इतर बातम्या
शानदार फीचर्ससह टाटा मोटर्सची सर्वात छोटी SUV लाँचिंगसाठी सज्ज, Creta, Seltos ला टक्कर
ऑलेक्ट्रा ग्रीनटेकला गुजरात परिवहन महामंडळाकडून 50 इलेक्ट्रिक बसेसची ऑर्डर
7-सीटर जीप कमांडर दहा दिवसात भारतीय बाजारात, जाणून घ्या SUV मध्ये काय असेल खास?
(Two Tesla Model 3 cars spotted on Mumbai Pune Expressway, Elon Musk Planning to huge launch)