अल्ट्राव्हायोलेटची इलेक्ट्रिक बाईक F 77युरोपातील 10 देशांमध्ये लाँच, फीचर्स, किंमत वाचा

अल्ट्राव्हायोलेट F 77 10 युरोपियन देशांमध्ये लाँच भारतीय बाजारपेठेत हायस्पीड इलेक्ट्रिक बाईक सेगमेंटमध्ये धुमाकूळ घातल्यानंतर बेंगळुरूची ईव्ही कंपनी अल्ट्राव्हायोलेटने आता युरोपियन मार्केटमध्ये मोठा धमाका केला आहे. होय, कंपनीने आपली इलेक्ट्रिक बाईख F 77 युरोपातील 10 देशांमध्ये लाँच केली आहे.

फ्रान्सची राजधानी पॅरिसमधील आयफेल टॉवरमध्ये याची सुरुवात करण्यात आली. हे सर्वप्रथम जर्मनीत दाखविण्यात आले होते. आता जर्मनीसह फ्रान्स, ब्रिटन, आयर्लंड, ऑस्ट्रिया, इटली, स्वित्झर्लंड, बेल्जियम, नेदरलँड्स आणि लक्झेंबर्गमध्ये उपलब्ध होणार आहे. आता युरोपच्या या देशांमधील ग्राहकांना F 77 मॅक 2 आणि F 77 सुपरस्ट्रीट सारख्या बाईक खरेदी करता येणार आहेत.

अल्ट्राव्हायोलेटचा विस्तार

खरं तर अल्ट्राव्हायोलेटचे उद्दिष्ट इलेक्ट्रिक वाहनांच्या बाजारपेठेत मोठी कंपनी बनण्याचे आहे. कंपनीला अनेक गुंतवणूकदारांची मदत मिळत आहे. भारतातही कंपनी रिसर्च अँड डेव्हलपमेंटवर (आर अँड डी) भर देत आहे. एफ 77 मॅक 2 रेसिंग बाईकसारखा दिसतो, तर एफ 77 सुपरस्ट्रीट आरामदायक राइडिंगसाठी डिझाइन करण्यात आला आहे. या बाईकसाठी इलेक्ट्रिक परफॉर्मन्सला एका नव्या उंचीवर घेऊन जातात. 31 जुलै 2025 पर्यंत प्री-बुकिंग करणाऱ्यांसाठी अल्ट्राव्हायोलेट या दोन्ही बाईक्स खास किंमतीत ऑफर करत आहे.

‘भारताच्या अभियांत्रिकी आणि उत्पादन क्षमतेवर भर’

युरोपियन बाजारपेठेत कंपनीच्या प्रवेशाबद्दल बोलताना अल्ट्राव्हायोलेटचे मुख्य कार्यकारी अधिकारी आणि सहसंस्थापक नारायण सुब्रमण्यम म्हणाले, “जर्मनी, फ्रान्स, ब्रिटन आणि इतर युरोपियन देशांमध्ये F 77 चे प्रक्षेपण आमच्या कंपनीसाठी एक मोठा क्षण आहे. भारतीय ऑटोमोबाईल क्षेत्रासाठीही ही मोठी कामगिरी आहे. एक भारतीय कंपनी म्हणून आम्हाला भविष्यातील डिझाइन आणि नवीन तंत्रज्ञान जगासमोर आणण्याचा अभिमान आहे. भारताच्या अभियांत्रिकी आणि उत्पादन क्षमतेसाठी ही मोठी मान्यता आहे. त्याचवेळी कंपनीचे सीटीओ आणि सहसंस्थापक नीरज राजमोहन म्हणाले की, हे केवळ नवीन बाजारपेठेत बाईक्स सादर करण्यापुरते नाही, तर हे भारतातील अनेक वर्षांच्या परिश्रम, अभियांत्रिकी आणि इनोव्हेशनचे फळ आहे.

बाईकचे फीचर्स कोणते?

या सगळ्यात अल्ट्राव्हायोलेट F 77 बद्दल सांगितलं तर या बाईक खूप खास आहेत. अवघ्या 2.8 सेकंदात ते 0 ते 60 किलोमीटर प्रतितास वेग पकडू शकतात. यात 10.3 किलोवॅटची बॅटरी देण्यात आली आहे, जी 30 किलोवॅटची पॉवर देते. ही बाईक 100 एनएम टॉर्क जनरेट करते. याची टॉप स्पीड ताशी 155 किलोमीटर आहे. या इलेक्ट्रिक बाईकमध्ये कंपनीची स्वतःची आर्टिफिशियल इंटेलिजन्स (व्हायलेट एआय) प्रणाली, स्विचेबल ड्युअल चॅनेल एबीएस, 10 लेव्हल रिजनरेटिव्ह ब्रेकिंग, 4 लेव्हल ट्रॅक्शन कंट्रोल, डायनॅमिक स्टेबिलिटी कंट्रोल आणि अनेक सेफ्टी फीचर्स आहेत.