Parth Pawar : पार्थ पवारांच्या कंपनीचा 42 कोटी भरण्यास नकार, महसूल मंत्री बावनकुळेंनी ठणकावलंच, म्हणाले…
पार्थ पवारांच्या अमेडिया कंपनीने जमीन घोटाळा प्रकरणात 42 कोटी रुपयांची स्टॅम्प ड्युटी भरण्यास नकार दिला आहे. मात्र, महसूल मंत्री चंद्रशेखर बावनकुळे यांनी ही रक्कम भरावीच लागेल अशी भूमिका घेतली आहे. या प्रकरणात शेतकरी शीतल तेजवानी यांना अटक करण्यात आली असून, अजित पवार आणि बावनकुळे यांच्यावरही गंभीर आरोप झाले आहेत.
पार्थ पवारांच्या अमेडिया कंपनीच्या जमीन घोटाळा प्रकरणात 42 कोटी रुपयांच्या स्टॅम्प ड्युटीवरून नवा वाद निर्माण झाला आहे. मुद्रांक शुल्क विभागाने अमेडिया कंपनीला 21 कोटी रुपये स्टॅम्प ड्युटी आणि तेवढाच दंड अशी एकूण 42 कोटी रुपयांची नोटीस बजावली आहे. मात्र, अमेडिया कंपनीने उद्योग विभागाच्या इरादा पत्रानुसार स्टॅम्प ड्युटीमध्ये सवलत मिळाली असल्याचा दावा करत ही रक्कम भरण्यास नकार दिला आहे. यावर महसूल मंत्री चंद्रशेखर बावनकुळे यांनी तीव्र प्रतिक्रिया दिली आहे.
उद्योग विभागाने स्टॅम्प ड्युटीच्या माफीचे कोणतेही पत्र दिलेले नाही, त्यामुळे अमेडिया कंपनीला 42 कोटी रुपये स्टॅम्प ड्युटी भरावीच लागेल असे त्यांनी ठणकावून सांगितले आहे. बावनकुळे यांनी नियमानुसारच कार्यवाही होईल आणि दोषींवर कारवाई केली जाईल असे स्पष्ट केले आहे. या प्रकरणात शीतल तेजवानी यांना अटक झाली असून, आता न्यायालयाच्या निर्णयाकडे सर्वांचे लक्ष लागले आहे.
उपमुख्यमंत्री कोण? सुनेत्रा पवार यांच्यासह या दोन नावांचीही चर्चा?
दादा तुम्ही वेळ चुकवली...; फडणवीसांचा भावुक लेख, लेखात नेमकं काय?
अजितदादांचा शासकीय बंगला 'विजयगड'मधील वातावरण भावूक
पानभर जाहिराती कसल्या देताय? संजय राऊतांचा भाजपवर जोरदार हल्ला
