म्हातारपणाची चिंता सतावतेय, या योजनेत करा गुंतवणूक, एनपीएसमध्ये 24 टक्के वाढ

नवी दिल्लीः पेन्शन फंड रेग्युलेटरी अँड डेव्हलपमेंट अथॉरिटी (पीएफआरडीए) च्या प्रमुख पेन्शन योजनांच्या अंतर्गत ग्राहकांची संख्या या वर्षी ऑगस्टमध्ये 24 टक्क्यांनी वाढून 4.53 कोटी झाली. पीएफआरडीएने शुक्रवारी एका निवेदनात ही माहिती दिली. पीएफआरडीए दोन पेन्शन योजना चालवते, राष्ट्रीय पेन्शन प्रणाली आणि अटल पेन्शन योजना आहे.
निवेदनात म्हटले आहे की, “राष्ट्रीय पेन्शन योजनेअंतर्गत ग्राहकांची संख्या या वर्षी ऑगस्ट महिन्यात 24.06 टक्के वाढून 453.41 लाख झाली. त्याच वेळी, ऑगस्ट 2020 मध्ये ते 365.47 लाख होते. PFRDA च्या आकडेवारीनुसार, अटल पेन्शन योजनेअंतर्गत ग्राहकांची संख्या या वर्षी 31 ऑगस्ट रोजी 33.20 टक्क्यांनी वाढून 304.51 लाख झाली.

व्यवस्थापनाखालील एकूण पेन्शन मालमत्ता वर्षानुवर्ष आधारावर ऑगस्ट 2021 अखेर 32.91 टक्क्यांनी वाढून 6,47,621 कोटी रुपये झाली. यापैकी अटल पेन्शन योजनेअंतर्गत व्यवस्थापनाखालील मालमत्ता 18,059 कोटी रुपये आहे, जी एक वर्षापूर्वीच्या तुलनेत 33 टक्के अधिक आहे.

संघटित क्षेत्रातील कर्मचारी एनपीएसशी जोडलेले

संघटित क्षेत्रातील कर्मचारी प्रामुख्याने NPS शी संबंधित असतात. यामध्ये केंद्र आणि राज्य सरकारचे कर्मचारी, स्वायत्त संस्था, खाजगी कंपन्यांचे कर्मचारी आणि इतरांचा समावेश आहे. त्याचवेळी, अटल पेन्शन योजनेचे ध्येय मुख्यतः असंघटित क्षेत्रात काम करणाऱ्या कर्मचाऱ्यांना पेन्शन योजनेच्या कक्षेत आणणे आहे.

अटल पेन्शन योजना काय?

अटल पेन्शन योजना भारत सरकारने मे 2015 मध्ये सुरू केली होती. 18 ते 40 वयोगटातील सर्व नागरिक या योजनेचा भाग बनू शकतात. या योजनेअंतर्गत, ग्राहकाला वयाची 60 वर्षे पूर्ण झाल्यानंतर त्याच्या योगदानावर अवलंबून 1,000 ते 5,000 रुपये मासिक पेन्शनची हमी दिली जाते.

कमाल वयोमर्यादा 70 वर्षे केली

राष्ट्रीय पेन्शन योजना अधिक आकर्षक करण्यासाठी पीएफआरडीएने आपले काही नियम शिथिल केलेत. NPS मध्ये सामील होण्याचे वय 65 वरून 70 वर्षे करण्यात आले आहे. यासह, पीएफआरडीएने एनपीएस योजनेतील प्रवेश आणि बाहेर पडण्याच्या नियमांमध्ये सुधारणा केली. NPS मध्ये प्रवेशाचे वय 18-65 वरून 18-70 करण्यात आले. पूर्वी 18 ते 65 वर्षे वयाचे लोक NPS मध्ये सामील होऊ शकत होते. आता ही वयोमर्यादा 18 वरून 70 वर्षे करण्यात आली. 70 वर्षांमध्ये NPS मध्ये सामील होऊन, खातेदार 75 वर्षे राहू शकतो.

50% पर्यंत इक्विटीमध्ये ठेव शक्य

65 वर्षांपेक्षा अधिक वयाचे ग्राहक आता पेन्शन फंडाच्या 50 टक्के रक्कम इक्विटी किंवा एनपीएस अंतर्गत शेअर्समध्ये जमा करू शकतील. यामुळे पेन्शनची रक्कम वाढेल आणि निवृत्तीनंतर अधिक पैसे मिळतील.

संबंधित बातम्या

चांगली बातमी! पीएम आवास योजनेसंदर्भात काही समस्या असल्यास येथे करा तक्रार

आता रेशन कार्डशी संबंधित ‘या’ मोठ्या सेवा ऑनलाईन मिळणार, जाणून घ्या काय करावे?

Anxiety about old age, invest in this scheme, 24 per cent increase in NPS