Gold Price Today : सोन्याचा दिलासाच नाही, किमतींनी आणखी वाढवली धडधड; आजचे 10 ग्रॅमचे दर वाचून..
Gold Price Today 04 July 2026 Latest News Updates in Marathi : देशांतरगत सोन्याच्या किमतीवर आंतरराष्ट्रीय घटकांचा परिणाम होत असतो. आज दिल्ली, मुंबई, चेन्नईसह देशातील प्रमुख शहरांमध्ये 24 आणि 22 कॅरेट सोन्याचे दर किती आहे, जाणून घेऊया सविस्तर..
आठवडा संपत आला तरी सोन्याने काही ग्राहकांना दिलासा दिला नसून शनिवारीही देशातंर्गत सोन्याचे भाव चढेच राहिले. सराफा बाजारात मोठ्या घडामोडी घडत असून विविध शहरातील सोन्याचे भाव वाढले आहेत. 4 जुलैच्या सकाळी बहुतेक शहरांमध्ये 24 कॅरेट आणि 22 -कॅरेट सोन्याच्या दरात वाढ झाली. राजधानी दिल्लीत 24 -कॅरेट सोन्याचा दर प्रति 10 ग्रॅम 1,47,160 रुपयांवर पोहोचला. त्याआधीच्या दिवशी, दिल्लीच्या सराफा बाजारात 99.9 % शुद्ध सोन्याच्या दरात 3300 रुपयांची वाढ होऊन तो प्रति 10 ग्रॅम 1,50,800 रुपयांवर पोहोचला होता. आंतरराष्ट्रीय बाजारात सोन्याचे भाव वधारल्यामुळे आणि डॉलर कमकुवत झाल्यामुळे सोन्याची मागणी वाढली आहे. आंतरराष्ट्रीय बाजारात ‘स्पॉट गोल्ड’चा भाव प्रति औंस 4,181.50 डॉलर्स इतका आहे.
देशातील प्रमुख शहरातील सोन्याचे भाव
राजधानी दिल्लीमध्ये 24-कॅरेट सोन्याचा दर प्रति 10 ग्रॅम 1,47,160 रुपये आहे. तर 22-कॅरेट सोन्याची किंमत दर प्रति 10 ग्रॅम 1,34,910 रुपयांवर पोहोचली आहे. आर्थिक राजधानी मुंबई आणि कोलकातामध्ये 22-कॅरेट सोन्याचा दर प्रति 10 ग्रॅम १,३४,७६०1,34,670 रुपये असून 24 कॅरेट 10 ग्रॅम सोन्यासाठी 1,47,010 मोजावे लागतील.
चकाकणाऱ्या सोन्याची किंमत चेन्नईमध्ये सर्वाधिक आहे. तिथे 24 कॅरेट सोनं 1,49,570 रुपये 22 कॅरेटचे सोनं 1,37,010 रुपयांना मिळतंय. पुणे आणि बंगळुरू या दोन्ही शहरांमध्ये 24-कॅरेट सोन्याचा दर प्रति 10 ग्रॅम 1,47,010 रुपये आहे आणि 22-कॅरेट सोन्याचा दर प्रति 10 ग्रॅम 1,34,760 रुपये आहे.
| शहर | 22 कॅरेट सोन्याचे आजचे भाव (₹) | 24 कॅरेट सोन्याचे आजचे भाव (₹) |
| दिल्ली | 134910 | 147160 |
| मुंबई | 134760 | 147010 |
| अहमदाबाद | 134810 | 147060 |
| चेन्नई | 137010 | 149570 |
| कोलकाता | 134760 | 147010 |
| हैदराबाद | 134760 | 147010 |
| जयपुर | 134910 | 147160 |
| भोपाळ | 134810 | 147060 |
| लखनऊ | 134910 | 147160 |
| चंदीगड | 134910 | 147160 |
फेडरल रिझर्व्हचे अध्यक्ष केविन वॉर्श यांनी बाजाराच्या अपेक्षांच्या तुलनेत कमी कठोर (less hawkish) भूमिका घेण्याचे संकेत दिले आहेत, ज्यामुळे व्याजदरात होणाऱ्या संभाव्य वाढीबाबतची चिंता कमी झाली आहे. अमेरिकेतील रोजगारविषयक आकडेवारी अपेक्षेपेक्षा कमकुवत असणे हा देखील व्याजदर वाढीच्या अपेक्षांना कमी करणारा आणखी एक घटक ठरला आहे.
चांदीचे दर किती
सोन्याप्रमाणेच, आणखी एक मौल्यवान धातू असलेल्या चांदीच्या दरातही वाढ होताना दिसत आह. शनिवार, 4 जुलैच्या सकाळी चांदीचा भाव वाढून प्रति किलो 2,50,100 रुपयांवर पोहोचला. औद्योगिक क्षेत्र आणि गुंतवणूकदार या दोघांकडूनही वाढलेल्या मागणीमुळे चांदीचे दर वाढत आहेत. आंतरराष्ट्रीय बाजारात ‘स्पॉट सिल्व्हर’चा भाव प्रति औंस 62.45 डॉलर्स इतका आहे.
