Gold-Silver Rate : लग्न सराईत सोने महाग, तर चांदीच्या किंमती घसरल्या, आजचा भाव काय?
Gold-Silver Rate : सोने पुन्हा एकदा चकाकले आहे, तर चांदीच्या किंमती घसरल्या आहेत..जाणून घ्या आजचे भाव काय आहे ते..
नवी दिल्ली : तुळशी विवाहानंतर भारतात लग्न सराईचा (Wedding Season) हंगाम सुरु होतो. भारतीय सराफा बाजारात (Sarafa Market) सोन्याचे दर (Gold Rate) तेजीत आहेत. अनेक दिवसांपासून 50 हजारी असलेल्या सोन्याने मजल दरमजल करत 55,000 रुपयांकडे वाटचाल सुरु केली आहे. त्यामुळे वधू-वरांकडील मंडळींना घाम फुटला आहे.
बुधवारी सकाळी सोन्याच्या किंमती पुन्हा वधरल्या. तर चांदीच्या किंमतीत (Silver Price) मामूली घसरण दिसून आली. ताज्या घडामोडीनुसार, 999 शुद्धतेचे 10 ग्रॅम सोन्याचा भाव आज 52 हजार रुपयांच्या पुढे गेला. तर एक किलो चांदीचा दर 61 हजार रुपये होता.
ibjarates.com नुसार, 999 शुद्धतेचे 10 ग्रॅम सोन्याचा दर आज, बुधवारी 52,952 रुपये होता. तर 995 शुद्धतेच्या 10 ग्रॅम सोन्याचा भाव 52,740 रुपये, 916 शुद्ध 10 ग्रॅम सोन्याचा दर 48,504 रुपये, 750 शुद्ध 10 ग्रॅम सोन्याचा भाव 39,714 रुपये होता.
तर 585शुद्ध सोन्याचा दर 30,977 रुपये झाला. सोन्याचे दरात पूर्वीपेक्षा अधिक वाढ झालेली आहे. सोन्याची वाटचाल 55 हजारांकडे सुरु आहे. 999 शुद्ध एक किलो चांदीचा दर घसरुन 61,784 रुपये झाला.
999 शुद्धतेचे 10 ग्रॅम सोन्यात आज 129 रुपयांची वाढ झाली. 995 शुद्धतेच्या 10 ग्रॅम सोने आज 129 रुपयांनी वधरले. 916 शुद्ध 10 ग्रॅम सोन्याचा दर 118 रुपये, 750 शुद्ध 10 ग्रॅम सोने 97 रुपये, 585 शुद्ध सोन्यात 10 ग्रॅम मागे 75 रुपयांची वाढ दिसून आली. तर चांदी किलोमागे 486 रुपयांनी शुद्ध झाली.
सोन्याची शुद्धता तपासण्यासाठी एक अ‍ॅप बनवण्यात आले आहे. ‘BIS Care app’ या अ‍ॅपच्या माध्यमातून ग्राहक सोन्याची शुद्धता तपासू शकतात. तसेच या अ‍ॅपच्या मदतीने आपण फक्त सोन्याची शुद्धताच तपासू शकत नाही तर यासंबंधित तक्रारीसुद्धा नोंदवू शकतो.
24 कॅरेट सोन्याला शुद्ध सोने म्हणतात. त्यात इतर कोणत्याही प्रकारचा धातू मिसळत नाही. याला 99.9 टक्के शुद्धतेचे सोने म्हणतात. 22 कॅरेट सोन्यात 91.67 टक्के शुद्ध सोनं असतं. इतर 8.33 टक्क्यांमध्ये इतर धातू असतात. त्याचबरोबर 21 कॅरेट सोन्यात 87.5 टक्के शुद्ध सोनं असतं.
18 कॅरेटमध्ये 75 टक्के शुद्ध सोनं असतं आणि 14 कॅरेट सोन्यात 58.5 टक्के शुद्ध सोनं असतं. सोन्याच्या प्रतीनुसार त्याच्या किंमतीतही फरक पडतो. तसेच स्थानिक कराचाही समावेश होऊन ग्राहकांना भावानुसार रक्कम द्यावी लागते.
