Gold Silver Rate Today 26 February 2025 : लाडक्या बहिणींना सोन्याचा पण तडाखा, चांदीचा मात्र दिलासा
Gold Silver Rate Today 26 February 2025 : राज्यातील 9 लाख लाडक्या बहिणींकडे सरकारने निकषाआधारे पाठ फिरवली आहे. तर सराफा बाजारात सुद्धा सोन्याने या बहिणींची चिंता वाढवली आहे. सोने तळपले तर चांदी नरमली आहे. आता 18K, 22K, 24K सोन्याच्या तर एक किलो चांदीचा भाव जाणून घ्या...
केंद्रीय अर्थसंकल्पानंतर सोन्याची तुफान घोडदौड सुरू आहे. अल्पविराम घेत सोने पुन्हा सुसाट धावले आहे. गेल्या आठवड्यात सलग चार दिवस मौल्यवान धातुत मोठी उसळी आली होती. तर या सोमवारपासून या धातुने उंच झेप घेतली आहे. तर दुसर्या बाजूला दरवाढीनंतर चांदीने दिलासा दिला. ऐन विवाह मुहूर्तात ग्राहकांच्या खिशाला जबरी फटका बसण्याची दाट शक्यता आहे. आता 18K, 22K, 24K सोन्याच्या तर एक किलो चांदीचा भाव जाणून घ्या..,(Gold Silver Price Today 26 February 2025 )
सोने पुन्हा महागले
मागील आठवड्यात सलग चार दिवस सोन्याने घोडदौड केली. दोन हजारांनी किंमती वाढल्या. तर सोमवारी सोने 100 रुपये, मंगळवारी 220 रुपये तर आज सकाळी सोन्यात 100 रुपयांच्या दरवाढीचे संकेत मिळत आहेत. गुडरिटर्न्सनुसार, आता 22 कॅरेट सोने 80,900 रुपये प्रति 10 ग्रॅम तर 24 कॅरेट सोन्याचा भाव 88,240 रुपये प्रति 10 ग्रॅम आहे.
चांदी नरमली
या आठवड्याच्या सुरुवातीला चांदी वधारली. गेल्या आठवड्यात चांदीला मोठी झेप घेता आली नाही. तर सोमवारी चांदीत 500 रूपयांची वाढ झाली. मंगळवारी भाव स्थिर होता. तर आज सकाळी किंमतीत घसरणीचे संकेत मिळत आहेत. गुडरिटर्न्सनुसार, एक किलो चांदीचा भाव 1,01,000 रुपये इतका आहे.
14 ते 24 कॅरेटचा भाव काय
आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 86,647, 23 कॅरेट 86,300, 22 कॅरेट सोने 79,369 रुपयांवर आहे. 18 कॅरेट आता 64,985 रुपये, 14 कॅरेट सोने 50,689 रुपये प्रति 10 ग्रॅमवर आहे. एक किलो चांदीचा भाव 95,769 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.
घरबसल्या जाणून घ्या भाव
सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.
