U19 Asia Cup 2026 IND vs PAK Final: लेकाची झुंझार खेळी, विरेंद्र सेहवाग भारावला; दमदार विजयानंतर खास पोस्ट!
भारताने शेवटच्या चेंडूवर 1 गडी राखून सामना जिंकला आणि विक्रमी नवव्यांदा विजेतेपद पटकावले. या दमदार विजयानंतर भारताचा माजी स्फोटक फलंदाज वीरेंद्र सेहवागने भारतीय युवा खेळाडूंचे कौतुक केले. विशेष म्हणजे यावेळी विरेंद्र सेहवागने चार खेळाडूंचे विशेष कौतुकही केले.
U19 Asia Cup 2026 IND vs PAK Final: अंडर-19 आशिया कप 2026 च्या अंतिम सामन्यात भारतीय संघाने अखेरच्या चेंडुवर थरारक विजय मिळवत सलग 9 व्यांदा आशिया कपचा किताब जिंकला. पाकिस्तानने दिलेल्या 338 धावांच्या विशाल लक्ष्याचा पाठलाग करताना, भारताने शेवटच्या चेंडूवर 1 गडी राखून सामना जिंकला आणि विक्रमी नवव्यांदा विजेतेपद पटकावले. या दमदार विजयानंतर भारताचा माजी स्फोटक फलंदाज वीरेंद्र सेहवागने भारतीय युवा खेळाडूंचे कौतुक केले. विशेष म्हणजे यावेळी विरेंद्र सेहवागने चार खेळाडूंचे विशेष कौतुकही केले.
टीम इंडियाचा दमदार विजय, सेहवागने केलं कौतुक!
टीम इंडियाच्या युवा शिलेदारांचे कौतुक करताना विरेंद्र सेहवागने एक्सवर ट्वीट करत प्रतिक्रिया दिली आहे. वीरेंद्र सेहवागने लिहिले की हा एक उत्तम सामना होता आणि त्याचा शेवट त्याहूनही चांगला झाला. तो म्हणाला की अंडर-१९ आशिया कपच्या अंतिम सामन्यात पाकिस्तानविरुद्ध 338 धावांचे लक्ष्य गाठून विजय मिळवण्यासाठी मोठ्या धैर्याची गरज होती.
“लक्ष्य रायचंदानी (80) आणि आर्यवीर सेहवाग (58) यांच्या खेळीचे सेहवागने कौतुक केले. त्यासोबतच जेव्हा आम्हाला चमत्काराची गरज होती तेव्हा मनाल चौहान आणि मोहित उल्वा यांनी कमाल केली. विरेंद्र सेहवागने टीम इंडियाच्या या कामगिरीचे कौतुक करताना हा विजय दीर्घकाळ स्मरणात राहील आणि त्यांना या तरुण विजेत्यांचा अभिमान आहे,” असंही म्हटले आहे.
What a match! What a finish! To beat Pakistan in an U19 Asia Cup final chasing 338 takes some serious character. Lakshya’s 80, Aaryavir’s 58, and then Manal Chauhan and Mohit Ulva’s Jalwa when we needed a miracle. What a unbelievable victory. Proud of these young Champions! 🇮🇳🏆
— Virrender Sehwag (@virendersehwag) November 14, 2026
अखेरच्या चेंडूवर टीम इंडियाचा रोमहर्षक विजय!
दरम्यान, या सामन्यामध्ये 337 धावांचे लक्ष्य गाठताना, आर्यवीर सेहवाग (58) आणि लक्ष्य रायचंदानी (80 ) यांच्यामुळे भारताला चांगली सुरुवात मिळाली. मात्र मधली फळी चुकल्यानंतर संघ अडचणीत आला. एका क्षणी भारताने 252/ 8अशी धावसंख्या गाठली होती, परंतु मनाल चौहान (47) आणि मोहित उल्वा (49)* यांनी 57धावांची भागीदारी करून सामन्याचे चित्र पालटले. अखेरीस मोहितने शेवटच्या चेंडूवर चौकार मारून भारताला 1 गडी राखून ऐतिहासिक विजय मिळवून दिला.
