तुमचा PF वार्षिक 2.5 लाखांपेक्षा जास्त कापला जातोय, तर दुसरे खाते उघडेल जाणार, नियम समजून घ्या

PF Interest Rate

नवी दिल्लीः सरकारने आयकराचा नवा नियम आणलाय. या नियमानुसार विद्यमान भविष्य निधी (PF) दोन स्वतंत्र खात्यांमध्ये विभागला जाणार आहे. हा नियम त्या लोकांसाठी आहे, ज्यांचा पीएफ एका वर्षात 2.5 लाख रुपयांपेक्षा जास्त कापला जातो. स्वतंत्र खाते उघडल्याने सरकार 2.5 लाखांपेक्षा जास्त व्याजावर कर सहजपणे कापू शकेल.

पीएफ खाते करपात्र आणि कर नसलेल्या खात्यांमध्ये विभागले जाणार

हा नवा नियम सेंट्रल बोर्ड ऑफ डायरेक्ट टॅक्सेस (CBDT) ने आणलाय. आणि सांगितले आहे की कोणत्या लोकांना PF खात्यात वेगळे खाते उघडणे आवश्यक आहे. या आधारावर सर्व विद्यमान कर्मचाऱ्यांचे पीएफ खाते करपात्र आणि कर नसलेल्या खात्यांमध्ये विभागले जाणार आहे. एक खाते असे असेल, ज्यात करपात्र पीएफ व्याज जमा केले जाणार आहे. दुसरे खाते असे असेल जे कर आकर्षित करणार नाही.

नवीन नियम कधी अंमलात येणार?

बंद होणारे खाते कर नसलेल्या खात्यात समाविष्ट केले जाईल, ही प्रक्रिया 31 मार्च 2022 पर्यंत होणार आहे. अर्थ मंत्रालयाने आपला नवीन नियम अधिसूचित केलाय. त्याची अधिसूचना 31 ऑगस्ट रोजी जारी करण्यात आली होती आणि आयकर विभागालाही याबाबत माहिती देण्यात आली. आता या आधारावर पुढील काम केले जाणार आहे. असे मानले जाते की, दोन स्वतंत्र खात्यांचा नियम पुढील आर्थिक वर्षापासून म्हणजेच 1 एप्रिल 2022 पासून लागू होऊ शकतो.

तर त्यावर कर लावण्यासाठी आयकर नियमांमध्ये नवीन कलम 9 डी जोडणार

जर पीएफमधून उत्पन्न 2.5 लाखांपेक्षा जास्त असेल, तर त्यावर कर लावण्यासाठी आयकर नियमांमध्ये नवीन कलम 9 डी जोडण्यात आलेय. पीएफ कमाईवर करपात्र उत्पन्नाची गणना करण्यासाठी दोन स्वतंत्र खाती तयार केली जातील. एका खात्यात व्याजाशिवाय आणि दुसऱ्या खात्यात अडीच लाखांपेक्षा अधिक कमाई केलेले खाते ठेवले जाईल. हा नियम फक्त त्यांच्यासाठी लागू असेल ज्यांचे पीएफवरील वार्षिक उत्पन्न 2.5 लाख रुपयांपेक्षा जास्त आहे. या वर्गात खूप कमी लोक आहेत, त्यामुळे बहुतेक लोकांना त्याचा प्रभाव दिसणार नाही.

नवीन नियम 1 एप्रिल 2022 पासून लागू होणार

या संदर्भात सीबीडीटीने आपल्या अधिसूचनेत म्हटले आहे की, नवीन नियम 1 एप्रिल 2022 पासून लागू होईल. आर्थिक वर्ष 2021-22 पर्यंत जर तुमच्या खात्यात वार्षिक ठेव 2.5 लाख रुपयांपेक्षा जास्त असेल, तर त्यावर मिळणारे व्याज करपात्र असेल आणि तुम्हाला त्यावर कर भरावा लागेल. लोकांना पुढील वर्षाच्या आयकर विवरणपत्रात या व्याजाची माहिती द्यावी लागेल. या वर्षी त्यावर सवलत असेल. हा नियम पुढील आर्थिक वर्षापासून लागू होऊ शकतो.

काय असेल नवीन नियम?

हा नवा नियम सरकारी आणि खासगी दोन्ही कर्मचाऱ्यांसाठी वैध असेल. जर तो सरकारी कर्मचारी असेल आणि EPF आणि VPF मध्ये त्याचे वार्षिक योगदान 5 लाखांपेक्षा जास्त असेल तर त्याच्या व्याजावर कर भरावा लागेल. त्याचप्रमाणे जर खासगी कर्मचाऱ्याच्या EPF आणि VPF मध्ये वार्षिक 5 लाखांची रक्कम जमा केली, तर त्याच्या व्याजावर कर आकारला जाईल. CBDT ने अधिसूचनेत म्हटले आहे की, 2021-22 या आर्थिक वर्षात जर कर्मचाऱ्याने 2.5 लाखांपेक्षा जास्त योगदान पीएफ खात्यात जमा केले तर त्याच्या व्याजावर कर भरावा लागेल. 31 मार्च 2021 पर्यंत कोणत्याही व्यक्तीच्या पीएफ खात्यात केलेले योगदान करविना योगदान मानले जाईल.

संबंधित बातम्या

Parle-G बिस्किट बनवणाऱ्या कंपनीविरोधात तक्रार दाखल, जाणून घ्या

देशातील परकीय चलन साठा नव्या रेकॉर्डवर, आठवड्यात सुमारे 17 अब्ज डॉलर्सची वाढ

If your PF is deducted more than Rs 2.5 lakh per annum, another account will be opened, understand the rules