Parle-G बिस्किट बनवणाऱ्या कंपनीविरोधात तक्रार दाखल, जाणून घ्या

या घटनाक्रमाशी संबंधित सूत्रांनी सांगितले की, तक्रारीमध्ये उडानने म्हटले आहे की, पार्ले बिस्किट कंपनी उपभोग्य उत्पादनांचा पुरवठा करण्यास नकार देऊन ग्लुकोज बिस्किटांमध्ये त्याच्या मजबूत स्थितीचा अन्यायकारक फायदा घेत आहे.

Parle-G बिस्किट बनवणाऱ्या कंपनीविरोधात तक्रार दाखल, जाणून घ्या

नवी दिल्लीः छोट्या आणि मध्यम व्यवसायावर केंद्रित B2B बिझनेस प्लॅटफॉर्म उडान (Udaan) ने पार्ले-जी बिस्किट बनवणाऱ्या पार्ले प्रॉडक्ट्सच्या विरोधात भारतीय स्पर्धा आयोगाकडे (CCI) तक्रार दाखल केलीय. कंपनी आपल्या मजबूत स्थितीचा चुकीचा फायदा घेत असल्याचा आरोप संघटनेने केलाय. पार्ले-जी बिस्किटांसारख्या उत्पादनांचा उडानला थेट पुरवठा नाकारण्यात आलाय.

पार्ले बिस्किट कंपनीकडून उपभोग्य उत्पादनांचा पुरवठा करण्यास नकार

या घटनाक्रमाशी संबंधित सूत्रांनी सांगितले की, तक्रारीमध्ये उडानने म्हटले आहे की, पार्ले बिस्किट कंपनी उपभोग्य उत्पादनांचा पुरवठा करण्यास नकार देऊन ग्लुकोज बिस्किटांमध्ये त्याच्या मजबूत स्थितीचा अन्यायकारक फायदा घेत आहे. विशेष म्हणजे कोणत्याही वैध कारणाशिवाय प्लॅटफॉर्मद्वारे पार्ले-जी बिस्किटे पुरवण्यास नकार देते.

खुल्या बाजारातून खरेदी करावी लागणार

सूत्रांनी दिलेल्या माहितीनुसार, उडानमुळे खुल्या बाजारातून बिस्किटे खरेदी करावी लागतात, जी थेट कंपनीकडून उत्पादन खरेदी करणाऱ्या विक्रेत्यांच्या तुलनेत त्याच्या स्पर्धेवर विपरीत परिणाम करतात. यासंदर्भात उडानच्या प्रवक्त्याने संपर्क साधला असता त्यांनी या विषयावर काहीही बोलण्यास नकार दिला. पार्ले प्रॉडक्ट्सचे वरिष्ठ श्रेणी प्रमुख मयंक शहा यांनी सांगितले की, कंपनीला यासंदर्भात स्पर्धा आयोगाकडून आतापर्यंत कोणतीही सूचना मिळालेली नाही. “आम्हाला कोणतीही नोटीस मिळाली नाही. आमच्याकडे यासंदर्भात कोणतीही माहिती नाही.

लहान दुकानदारांसाठी बाजारपेठ उपलब्ध

उडान एक B2B व्यापार बाजारपेठ आहे, जे विशेषतः लहान दुकानदार, घाऊक व्यापारी, व्यापारी आणि कारखानदारांना एकमेकांशी जोडते. उडान Hiveloop तंत्रज्ञानाद्वारे चालवले जाते, जे विशेषतः लहान व्यापाऱ्यांना पुढे नेण्याचे काम करते. हे प्रामुख्याने मोबाईल अॅपद्वारे घाऊक विक्रेते, व्यापारी, किरकोळ विक्रेते आणि उत्पादकांना एकाच प्लॅटफॉर्मवर जोडते.

900 शहरांमध्ये व्यवसाय पसरला

उडान जलद गतिमान ग्राहक वस्तूंसाठी प्लॅटफॉर्म प्रदान करते. त्याची पुरवठा साखळी नेटवर्क देशातील 50 शहरांमध्ये पसरलेले आहे. देशभरातील 900 शहरांमध्ये त्याचे पुरवठा नेटवर्क स्थापित केले आहे, ज्यात 12 हजार पिनकोड समाविष्ट आहेत. हे केवळ त्याच्या खरेदीदारांना आणि ग्राहकांना वेळेवर वितरीत करत नाही, तर परवडणाऱ्या किमतीत ताजी उत्पादने देखील पुरवते.

सीसीआयने मारुतीला 200 कोटींचा दंड ठोठावला

कोणतीही कंपनी आपल्या पदाचा आणि आकाराचा गैरवापर करत आहे की नाही हे तपासते. अलीकडेच मारुती सुझुकी इंडियाला 200 कोटींचा दंड ठोठावण्यात आलाय. मारुतीवर आपल्या डीलर्सवर सवलतीत कार विकण्यासाठी दबाव आणल्याचा आरोप होता. सीसीआयला आपल्या तपासात असे आढळून आले की, मारुतीकडून दिल्या जाणाऱ्या सवलतींवर कंपनीचे अधिक नियंत्रण आहे, कोणत्याही डीलर्सचे नाही.

संबंधित बातम्या

देशातील परकीय चलन साठा नव्या रेकॉर्डवर, आठवड्यात सुमारे 17 अब्ज डॉलर्सची वाढ

रेल्वेने 11 विशेष गाड्या केल्या रद्द, 12 गाड्यांचा मार्ग बदलला, पटापट यादी तपासा

File a complaint against a company that makes Parle-G biscuits, find out

Read Full Article

Click on your DTH Provider to Add TV9 MARATHI