Income Tax Rule : मुलाने केली कमाई तर मग कोण भरणार इनकम टॅक्स? काय सांगतो आयकर खात्याचा नियम
Child Income : सध्या सोशल मीडियामुळे अनेक लहान मुलं ऑनलाईन कमाई करत आहे. युट्यूब, फेसबुक, इन्स्टाग्रामवरुन त्यांना कमाई होत आहे. अशावेळी या कमाईवर आयकर कोण भरणार हा प्रश्न येतो. यावेळी आयकर कायदा काय सांगतो?
सध्या सोशल मीडियाचा जमाना आहे. अनेकजण कंटेट क्रिएटर्स, रील्स स्टार, इन्फ्लूएंन्सर झाले आहेत. त्यात लहान मुलं पण त्यांची चुणक दाखवत कमाई करत आहे. मग त्यांचे उत्पन्न करपात्र असेल तर कर कुणाला भरावा लागतो, कायदा काय सांगतो?
स्वतःच्या उच्च शिक्षणासाठी, पती वा मुलांच्या उच्च शिक्षणासाठी शैक्षणिक कर्ज घेतले असेल, तर त्याच्या मासिक हप्त्यावर कर सवलत मिळवू शकतात.
आयकर कायद्याच्या कलम 64 (1ए) नुसार लहान मुलं जर कमाई करत असतील तर त्याला कर द्यावा लागत नाही. हे उत्पन्न त्याच्या आई-वडिलांच्या उत्पन्नात जोडण्यात येते. करपात्र उत्पन्नानुसार त्यावर कर द्यावा लागतो.
कलम 10(32) अंतर्गत मुलांची वार्षिक 1500 रुपयांपर्यंतची कमाई कर परीघाबाहेर आहे. त्यावरील उत्पन्न नियम 64(1A) अंतर्गत आई-वडिलांच्या उत्पन्नात जोडण्यात येते.
जर आई-वडिल दोन्ही कमाई करणारे असतील तर मुलं आणि पालक यांच्यापैकी ज्यांचे उत्पन्न अधिक असते, त्यावर नियमानुसार कर लागतो. जर लहान मुलाला लॉटरी लागली तर त्यावर 30 टक्के टीडीएस कापल्या जातो. त्यावर 10 टक्के सरचार्ज आणि 4 टक्क्यांचा सेस द्यावा लागतो.
महिलांच्या नावे गृहकर्ज असले तर त्याच्या हप्त्यावर वार्षिक 2 लाख रुपयांपर्यंतची बचत होऊ शकते.
