UIDAIने आधार कार्डसंदर्भात केला अलर्ट जारी, आता फसवणूक टाळण्यासाठी व्हेरिफिकेशन आवश्यक
सर्व 12 अंकी संख्या आधार मानली जाऊ नयेत, अन्यथा आपण फसवणुकीचे शिकार होऊ शकता. म्हणून कार्डधारकाचा ओळख पुरावा म्हणून आधार कार्ड स्वीकारण्यापूर्वी याची खात्री करून घ्या.
नवी दिल्लीः आधार कार्ड हे आजकाल वैयक्तिक ओळख पुराव्याचे प्रमुख साधन बनलेय. म्हणूनच त्याचा उपयोग प्रत्येक महत्वाच्या कामासाठी केला जातोय. परंतु यामुळे बरेच लोक आधारचा गैरवापरही करतात. अशा परिस्थितीत युनिक आयडेंटिफिकेशन अॅथॉरिटी ऑफ इंडियाने (UIDAI) एक इशारा दिलाय. सर्व 12 अंकी संख्या आधार मानली जाऊ नयेत, अन्यथा आपण फसवणुकीचे शिकार होऊ शकता. म्हणून कार्डधारकाचा ओळख पुरावा म्हणून आधार कार्ड स्वीकारण्यापूर्वी याची खात्री करून घ्या. (UIDAI issues alert regarding Aadhaar card, now verification is required to prevent fraud)
ओळख पुरावा म्हणून स्वीकारण्यापूर्वी आधारची पडताळणी करणे आवश्यक
आधार कार्ड पडताळणी ऑनलाईन करता येते. यासाठी यूआयडीएआयच्या अधिकृत संकेतस्थळावर uidai.gov.in/verify वर लॉगिन करा. यासंदर्भात यूआयडीएआयने एक ट्विटही केलेय. ज्यामध्ये हे लिहिले आहे की, “सर्व 12 अंकी संख्या आधार नाहीत. ओळख पुरावा म्हणून स्वीकारण्यापूर्वी आधारची पडताळणी करणे आवश्यक आहे. ”
#BewareOfFraudsters
All 12-digit numbers are not Aadhaar. It is recommended that the Aadhaar should be verified before accepting it as identity proof. Click: https://t.co/cEMwEaiN2C and verify it online in 2 simple steps. #Aadhaar #AadhaarAwareness #Aadhar pic.twitter.com/oZdvCwApNY— Aadhaar (@UIDAI) July 8, 2021
आधार कार्ड पडताळणीची प्रक्रिया
1. आधार कार्ड नंबरच्या पडताळणीसाठी uidai.gov.in/ सत्यापित वेबसाईटवर लॉगिन करा.
2. आता 12 अंकी आधार क्रमांक प्रविष्ट करा आणि सुरक्षा कोड किंवा कॅप्चा प्रविष्ट करा.
3. मग Verify या ऑप्शनवर क्लिक करा.
4. असे केल्याने 12 आकडी क्रमांकाची सत्यता आपल्या संगणकावर मॉनिटर किंवा स्मार्टफोनच्या स्क्रीनवर दिसून येईल.
आधारशी संबंधित समस्या घरबसल्या करा दूर
आधारशी संबंधित त्रुटी दूर करण्यासाठी भारतीय विशिष्ट ओळख प्राधिकरणाने (UIDAI) एक टोल फ्री नंबर 1947 जारी केलाय. हा हेल्पलाईन नंबर आपल्याला आधार नोंदणी केंद्रे, नोंदणीनंतर आधार क्रमांकाची स्थिती आणि इतर आधारशी संबंधित माहिती मिळविण्यात मदत करेल. याशिवाय आपले आधार कार्ड गहाळ झाले किंवा जरी अद्याप पोस्टद्वारे प्राप्त झाले नाही तरीही आपण या सुविधेचा लाभ घेऊ शकता.
संबंधित बातम्या
SBI जनरल इन्शुरन्सची नवी योजना लाँच, ‘या’ सुविधांसह 5 कोटींचं मिळणार कव्हरेज
RBI कडून 14 बँकांना कोट्यवधींचा दंड, सरकारी ते खाजगी बँकांपर्यंतचा समावेश
UIDAI issues alert regarding Aadhaar card, now verification is required to prevent fraud