पोलीस अधिकाऱ्यांची घरं दरोडेखोरांच्या निशाण्यावर, धुळे डीव्हायएसपींच्या घरातून सहा लाखांचा ऐवज लंपास
धुळ्यात चोरांची धमक वाढल्याचं चित्र आहे. येथील डीव्हायएसपी यांच्याकडे धाडसी घरफोडी झाली आहे.
धुळे : धुळ्यात चोरांची धमक वाढल्याचं चित्र आहे. येथील डीव्हायएसपी यांच्याकडे धाडसी घरफोडी (Dhule Robbery At DYSP Pradeep Mendale House) झाली आहे. या घटनेत लाखोंचा मुद्देमाल लंपास करण्यात आला आहे. आझादनगर पोलीस ठाण्याचे निरीक्षक आनंद कोकरे, प्रांताधिकारी भीमराज दराडे यांच्याकडील घरफोडीची अद्याप उकलही झालेली नसताना चोरट्यांनी साक्रीचे डीव्हायएसपी प्रदीप मैंदाळे यांच्याकडे धाडसी घरफोडी केल्याचे उघडकीस आले आहे (Dhule Robbery At DYSP Pradeep Mendale House).
चोरट्यांनी घरातून दीड लाखांच्या रोकडसह सव्वासहा लाखांचा मुद्देमाल लंपास केला आहे. याप्रकरणी साक्री पोलिसात गुन्हा दाखल झाला आहे.
नेमकं काय घडलं?
साक्री शहरातील प्रगती नगरातील प्लॉट क्र. 14/01 मध्ये डीव्हायएसपी प्रदीप भीवसन मैराळे हे राहतात. शनिवारपासून त्यांचे घर बंद होते. त्यादरम्यान, चोरट्यांनी थेट त्यांचे घर लक्ष केले. प्रथम घराच्या कंम्पाऊंडच्या गेटचे कुलूप चोरट्यांनी तोडले. त्यानंतर घराच्या दरवाजाचा कडीकोयंडा तोडून घरात प्रवेश केला.
घरातील कपाटाचे लॉक तोडून 35 हजार रुपयांचे सोन्याचे एक तोळ्याचे मणी मंगळपोत, दोन लाख 10 हजार रुपयांचा सहा तोळ्याचा सोन्याचा चपला हार, दोन लाख 10 हजारांच्या सोन्याच्या सहा तोळ्याच्या दोन बांगड्या, 10 हजार 500 रुपयांचे तीन ग्रॅम सोन्याचे लहान मुलांच्या कानातील बाळ्या आणि एक लाख 50 हजारांची रोकड असा एकूण 6 लाख 15 हजार 500 रुपयांचा मुद्देमाल लंपास केला. मंगळवारी सायंकाळी घरफोडीची घटना उघडकीस आली (Dhule Robbery At DYSP Pradeep Mendale House).
याप्रकरणी डीव्हायएसपी प्रदीप मैराळे यांच्या तक्रारीवरुन साक्री पोलिसात चोरट्यांवर गुन्हा दाखल करण्यात आला आहे. पोलिसांनी चोरट्यांचा शोध सुरु केला आहे. या घटनेची माहिती मिळताच पोलीस निरीक्षक दिनेश आहेर यांच्यासह पथकाने घटनास्थळी पाहणी केली. तसेच, श्वानपथक आणि ठसेतज्ज्ञांना पाचारण करण्यात आले आहे.
दागिणे एकाचे, सोडवले दुसऱ्यानंच, बुलडाण्यातील ICICI बँकेत 44 तोळे सोनं चोरीनं खळबळhttps://t.co/301jLJiszt#Gold #ICICIBank #Buldana
— TV9 Marathi (@TV9Marathi) February 17, 2021
Dhule Robbery At DYSP Pradeep Mendale House
संबंधित बातम्या :
एमडी ड्रग आणि परदेशी बनावटीच्या पिस्तुलसह एकाला अटक, नागपूर ड्रग तस्करांचं केंद्र बनतंय?
VIDEO| धक्कादायक! चार तृतीयपंथीयांची वाहतूक पोलिसाला लाथाबुक्क्यांनी मारहाण, व्हिडीओ व्हायरल
वर्ध्यात बसस्थानकावर घोळक्यातून मोबाईल चोरणाऱ्या महिलेला अटक, 41 हजारांचे मोबाईल जप्त