पत्नीच्या हातची भाजी आवडली नाही अन् संतापलेल्या पतीने तिला थेट.. धक्कादायक कृत्याने अख्खं गाव हादरलं !

लखनऊ | 14 ऑगस्ट 2023 : बायकोच्या हातची भाजी आवडली नाही म्हणून पतीने थेट तिलाच संपवल्याची (crime news) धक्कादायक घटना घडल्याचे उघडकीस आले आहे. मृत्यूपूर्वी मॅजिस्ट्रेट समोर दिलेल्या जबानीत महिलेने तिची आपबीती सांगितली. दारूड्या नवऱ्याने बायकोला जिवंत जाळले (husband killed wife) , हे समोर आल्यावर सगळे सुन्न झाले आहेत. एवढ्या शुल्लक गोष्टीसाठी कोणी असं कसं करू शकतं, असाच सवाल सध्या लोकांच्या मनात आहे. पोलिसांनी याप्रकरणी गुन्हा दाखल केला आहे.

उत्तर प्रदेशातील बांदा जवळ पीडित महिला रहात होती. जोगमाया असे तिचे नाव असून ती 30 वर्षांची होती. पती मुकेश हा नेहमीच तिला मारहाण करत असे. जेवण चांगल बनवत नाही, भाजीला चव नाही, असे सांगत तो नेहमीच तिचा छळ करत असे पीडित महिलेच्या कुटुंबियांनी सांगितले. घटनेच्या दिवशी देखील (रविवारी) मुकेश हा दारू पिऊन घरी आला आणि बायकोला मारहाण करू लागला. यामध्ये गंभीर जखमी झाली.

मारू नका, मारू नका… करत राहिली विनंती

पीडित महिला तिच्या पतीकडे न मारण्याची विनंती करत होती. शेजाऱ्या-पाजाऱ्यांनी देखील या गोष्टीला दुजोरा दिला. पीडितेचा पती तिला दररोज मारायचा तिने अनेक वेळा तिच्या नातेवाईकांनाही फोन केला. ते घरी येऊन त्याला समजवायचे, पण तो सुधारलाच नाही. रविवारी देखील त्याने भाजी चांगली बनली नाही, चव आवडली नाही या कारणावरून पत्नीला बेदम मारायला सुरूवात केली. तेवढं करूनही त्याचं मन बरलं नाही म्हणून त्याने तिच्यावर रॉकेल ओतून तिला जिवंत जाळलं.

मृत्यूपूर्वी महिलेने दिली जबानी

मृत्यूपूर्वी दिलेल्या जबानीत पीडित महिलेने सांगितले की, भाजी चांगली झाली नाही, या कारणायाने पतीने आधी तिला बेदम मारहाण केली आणि नंतर रॉकेल ओतून जिवंत जाळले. पोलिसांनी याला दुजोरा दिला असून याप्रकरणी गुन्हा दाखल करण्यात आला आहे. पोलिसांनी मृतदेह ताब्यात घेऊन पोस्टमॉर्टमसाठी पाठवला.