विलेपार्ले पश्चिमेच्या एलआयसी ऑफिसला आग, महत्वाचे दस्ताऐवज जळाल्याची भीती

विलेपार्ले पश्चिमेच्या एलआयसी ऑफिसला आग

मुंबई – विलेपार्ले (Vileparle) पश्चिमेच्या एलआयसी (LIC) ऑफिसला सकाळी सात वाजता अचानक आग लागली. आग लागल्याची माहिती मिळताच पोलिस आणि अग्नीशमक दलाच्या गाड्या घटनास्थळी दाखल झाल्या आहेत. लागलेल्या आग लेवल २ ची आहे. सध्या तिथे फायर ब्रिगेडच्या आठ गाड्या पोहोचल्या असून आग विझवण्याचा अथक प्रयत्न करीत आहेत. तसेच घटनास्थळी पोलिसांनी (Police) कडक बंदोवस्त ठेवला आहे. काही महत्त्वाचे दस्ताऐवज जळाल्याची प्राथमिक माहिती मिळाली आहे.

दुसऱ्या मजल्यावर धुरांचे लोट

ग्राउंड आणि वरच्या दोन मजल्यांच्या LIC ऑफिस इमारतीच्या दुसऱ्या मजल्यावर आग लागली आहे. दुसऱ्या मजल्यावरील कॉमन पॅसेजवर धुराचे लोट पसरल्याचे दिसत आहे. सकाळी अचानक आग लागल्याने परिसरात पोलिसांचा कडक बंदोबस्त ठेवण्यात आला आहे. अग्नीशामक दलाच्या आठ गाड्या आग विझवण्याचं काम करीत आहेत.

अनेक वस्तूंना आग लागली आहे

ग्राउंड आणि वरच्या दोन मजल्यांच्या LIC ऑफिस इमारतीच्या दुसऱ्या मजल्यावर पगार बचत योजना विभाग आहे. तिथल्या इलेक्ट्रिक वायरिंग, इन्स्टॉलेशन, कॉम्प्युटर, फाइल रेकॉर्ड, लाकडी फर्निचर इत्यादी वस्तूंना आग लागली आहे. विलेपार्ले पश्चिम येथे नानावटी हॉस्पिटल समोर, स्वामी विवेकानंद मार्गावर एलआयसीचं कार्यालय आहे.