वडिलांना सांगितलं मी तुमच्या सुनेला…, मग सुनेचा शोध घेतला असता बापाच्या पायाखालची जमीनच सरकली !

उज्जैन : मध्य प्रदेशातील उज्जैन शहरात एक धक्कादायक घटना उघडकीस आली आहे. पती-पत्नीमध्ये वाद झाला. वादातून पतीने पत्नीची हत्या केल्याची घटना घडली. यानंतर आरोपी पतीने आपल्या पित्याला सांगितले की, मी तुमच्या सुनेची हत्या केली आहे, शक्य असेल तर शोधून काढा. मुलाच्या तोंडून ही बाब ऐकताच पित्याच्या पायाखालची जमीनच सरकली. काही वेळाने सकाळपासून सून घरात कुठेच दिसत नसल्याचे त्यांच्या लक्षात आले. घरात काही अनुचित प्रकार घडण्याच्या भीतीने वृद्ध वडील घाबरले. घरातील सदस्यांनाही धक्का बसला. सर्वजण सुनेचा शोध सुरू घेऊ लागले. पण ती कुठेच दिसत नव्हती. खूप शोध घेतला असता जे समोर आले ते हृदय पिळवटून टाकणारे होते. पतीने पत्नीची हत्या करून तिचा मृतदेह बेडमध्ये लपवला होता.

पती-पत्नीमध्ये 7 वर्षापासून सुरु होता वाद

पती-पत्नीमधील घरगुती वादातून उज्जैन जिल्हा मुख्यालयापासून सुमारे 25 किलोमीटर अंतरावर ही घटना घडली आहे. नरवल पोलीस ठाण्याच्या हद्दीतील पालखंडा परिसरात एका महिलेचा मृतदेह बेडमध्ये आढळून आला आहे. दीपा असे या महिलेचे नाव आहे. महिलेच्या पतीने तिची हत्या केली आहे. विजय परमार असे आरोपी पतीचे नाव असून, तो व्यवसायाने शिंपी आहे. पोलिसांनी दिलेल्या माहितीनुसार, दीपा आणि विजय यांच्यात गेल्या 7 वर्षांपासून वाद सुरू होता. गेल्या वर्षी दोघांमध्ये करारही झाला होता. या दोघांना दोन मुले आहेत. एक 17 वर्षांचा मुलगा असून, तो आईसोबत राहतो आणि एक 21 वर्षांची मुलगी असून, ती मामाकडे राहते.

अल्पवयीन मुलाने सांगितला आईच्या हत्येचा थरार

प्रकरणाचा तपास करण्यासाठी आलेल्या पोलिसांनी आरोपीला ताब्यात घेतले. आरोपीच्या अल्पवयीन मुलाने पित्याच्या कृत्याचे रहस्य उघडले. अल्पवयीन मुलाने पोलिसांना सर्व घटना सांगितली. वडिलांनी रात्री आजोबांना सांगितले की, मी तुमच्या सुनेची हत्या केली आहे. यानंतर कुटुंबीयांनी महिलेचा शोध सुरू केला, मात्र ती कुठेच दिसली नाही. बराच वेळ शोध घेतल्यानंतर बेडमध्ये महिलेचा मृतदेह सापडला. यानंतर कुटुंबीयांनी पोलिसांना माहिती दिली. पोलिसांनी शवविच्छेदन करून मृतदेह नातेवाईकांच्या ताब्यात दिला.