कौटुंबिक वाद टोकाला गेला, पुतण्याने जे केले त्याची कुणी कल्पनाही केली नसेल!
घरचे सर्वजण रात्री जेवण करुन झोपले. पहाट होताच जे घडले ते भयंकर होतं. घटना उघड होताच गावात खळबळ उडाली. सर्व प्रकरणाचा तपास सुरु आहे.
गंगोलीहाट : कौटुंबिक वादातून माथेफिरु तरुणाने पत्नीसह चौघांची हत्या केल्याची घटना उत्तराखंडमधील गंगोलीहाट येथे घडली. पोलिसांनी आरोपीला अटक केली आहे. संतोष राम असे अटक आरोपीचे नाव आहे. आरोपी छलिया नृत्यक आहे. मृतांमध्ये आरोपीच्या पत्नी, वहिनी, बहिण आणि काकीचा समावेश आहे. घटनेची माहिती मिळताच पोलिसांनी घटनास्थळी धाव घेत तीन मृतदेह ताब्यात घेतले. तर चौथा मृतदेह 16 तासानंतर घटनास्थळाहून 100 किमी दूर एका बंद घरात सापडला. घरगुती वादातून हे हत्याकांड घडल्याचे प्राथमिक तपासात उघड झाले आहे. पोलीस याबाबत सखोल तपास करत आहेत.
पहाटे घरात घुसून तिघींना संपवले
छलिया नृत्य पेशाशी संबंधित शेर राम आणि मोहन राम एकमेकांच्या शेजारी राहतात. शुक्रवारी पहाटे 5 वाजण्याच्या दरम्यान शेर रामची पहिली पत्नी हेमंती देवी, सून रमा देवी, विवाहित मुलगी माया एका खोलीत झोपल्या होत्या. तर शेर रामची दुसरी मूक-बधिर पत्नी बसंती देवी गोशाळेत गेली होती. यादरम्यान मोहन रामचा मुलगा संतोष राम शेर रामच्या घरात घुसला. यानंतर त्याने रुममध्ये झोपलेल्या आपली काकी, वहिनी आणि चुलत बहिण यांची हत्या केली.
घटनेची माहिती मिळताच पोलिसांनी घटनास्थळी धाव घेत मृतदेह ताब्यात घेऊन शवविच्छेदनासाठी रुग्णालयात पाठवले. पोलिसांच्या सर्च ऑपरेशनमध्ये घटनास्थळापासून 100 किमी दूर असलेल्या एका बंद घरात आरोपीच्या पत्नीचा मृतदेह आढळला. आरोपी आपल्या काकाच्या कुटुंबीयांशी दररोज काही ना काही कारणातून भांडण करायचा. तसेच त्याने जीवे मारण्याची धमकीही दिली होती. आरोपी मानसिक रुग्ण असल्याची माहिती मिळते.
