Sunetra Pawar : विलीनीकरणाबाबत सुनेत्रा पवारांची एका वाक्यात प्रतिक्रिया; नेमकं काय म्हणाल्या?

बिरसा मुंडा यांच्या जयंतीनिमित्त आयोजित एका पत्रकार परिषदेत, आदिवासी समाजाच्या सर्वांगीण विकासासाठी सुरू असलेल्या विविध सरकारी योजनांची माहिती देण्यात आली. यामध्ये आश्रमशाळांमधील बदल, पंडित दीनदयाळ उपाध्याय स्वयंम योजनेतील वाढीव भत्ता, गुणवंतांसाठी शिष्यवृत्ती, महिला व युवकांसाठी विशेष योजना तसेच आदिवासी जमातींसाठीच्या आर्थिक पॅकेजेसचा समावेश होता. या पत्रकार परिषदेनंतर पत्रकारांनी सुनेत्रा पवार यांना राष्ट्रवादी काँग्रेसच्या संभाव्य विलिनीकरणाबाबत प्रश्न विचारला.

विलिनीकरणाचा मुद्दा सध्या महाराष्ट्राच्या राजकारणात गाजत असून, यावर मुख्यमंत्र्यांनीही वरिष्ठच बोलतील असे म्हटले होते. यावर प्रतिक्रिया देताना, सुनेत्रा पवार यांनी अगदी एका वाक्यात उत्तर दिले. “जशी वेळ येईल तशा गोष्टी आपल्याला कळतील,” असे त्यांनी सांगितले. संजय राऊत यांनी 20-22 आमदार संपर्कात असल्याचा दावा केला असताना, सुनेत्रा पवार यांनी विलिनीकरणाच्या प्रश्नावर अधिक बोलणे टाळले. त्यांचे हे सूचक विधान महाराष्ट्राच्या राजकारणात आगामी काळात काय घडामोडी घडतात हे पाहण्यासाठी उत्सुकता वाढवणारे आहे.