Rajasthan Crime: राजस्थानात गुरुच्या नात्याला कलंक; शिक्षकाचा वर्गातच चिमुकलीवर बलात्कार
पीडित मुलगी गावातीलच एका शाळेत शिकत आहे. मंगळवार, 4 जानेवारी रोजी सकाळी 10 वाजता ती शाळेत गेली होती. सायंकाळी मुलीची आई तिला घेण्यासाठी शाळेत गेली असता एका खोलीतून मुलीच्या रडण्याचा आवाज येत होता.
राजस्थान : गुरु-शिष्याच्या पवित्र नात्याला काळीमा फासणारी घटना राजस्थानात घडली आहे. हल्ली शिक्षकांकडून लैंगिक शोषणाचे प्रकार वाढीस लागले आहेत. त्यामुळे शाळकरी मुलींच्या सुरक्षेचा प्रश्न ऐरणीवर आला आहे. राजस्थानच्या करौली येथील एक धक्कादायक घटना समोर आली आहे. येथील एक शाळेतील अवघ्या 6 वर्षीय अल्पवयीन मुलीवर तिच्या शिक्षकानेच बलात्कार केल्याने खळबळ उडाली आहे. आरोपी शिक्षकाला पोलिसांनी अवघ्या 36 तासांत अटक करून तुरुंगात पाठवले आहे.
नेमकी काय घटना घडली?
पीडित मुलगी गावातीलच एका शाळेत शिकत आहे. मंगळवार, 4 जानेवारी रोजी सकाळी 10 वाजता ती शाळेत गेली होती. सायंकाळी मुलीची आई तिला घेण्यासाठी शाळेत गेली असता एका खोलीतून मुलीच्या रडण्याचा आवाज येत होता. त्या खोलीला आतून कुलूप असल्याचे तिला दिसले आणि आत घडलेल्या धक्कादायक प्रकाराचा उलगडा झाला. मुलीच्या आईने खोलीचा दरवाजा ढकलून उघडला असता मुलगी अर्धनग्न अवस्थेत असल्याचे दिसले व शाळेचे शिक्षक धनराज मीना तेथे उपस्थित होते. आरोपी शिक्षकाने मुलीच्या आईला पाहताच तात्काळ तेथून पळ काढला.
पोलिसांनी 36 तासांत केली आरोपी शिक्षकाला अटक
या घटनेची माहिती पीडितेच्या कुटुंबीयांनी पोलिसांना दिली. प्रकरणाचे गांभीर्य लक्षात घेऊन अप्पर पोलिस अधीक्षक शैलेंद्र सिंह यांच्या देखरेखीखाली पोलिस अधीक्षकांनी तोडाभीम पोलिस ठाण्याचे अधिकारी रामखिलाडी मीना यांना आरोपीला लवकरात लवकर अटक करण्याच्या सूचना दिल्या. त्यानुसार आरोपी शिक्षकाला अवघ्या ३६ तासांत अटक करण्यात आली. पीडित मुलीने आपल्या जबानीत सांगितले की, शिक्षक धनराज मीना याने तिला ट्यूशनच्या बहाण्याने शाळेत बोलावले होते. धनराजने तिच्यासोबत गैरकृत्य केले. पीडित मुलीने घरी येऊन सर्व प्रकार आईला सांगितला. त्यानंतर वडिलांनी आरोपी धनराज मीणाविरुद्ध तोडाभीम पोलिस ठाण्यात फिर्याद दिली.
पॉस्को कायद्यान्वये गुन्हा दाखल
तोडाभीमचे पोलीस अधिकारी राम खिलाडी मीना यांनी सांगितले की, 376 आयपीसी आणि पॉक्सो कायद्यानुसार गुन्हा नोंदवून कारवाई करण्यात येत आहे. अवघ्या 36 तासांत आरोपी शिक्षकाला अटक करण्यात आली. या घटनेनंतर शाळेत आरोपी शिक्षकाविरोधात संतापाचे वातावरण आहे. आम्ही मोठ्या विश्वासाने आमच्या मुलींना शाळेत पाठवतो, गुरु हे आई-वडिलांइतकेच पवित्र नाते आहे. जर हेच गुरु आमच्या मुलीचे लैंगिक शोषण करणार असतील तर हा मोठा गुन्हा आहे. अशा नराधमांना कठोरात कठोर शिक्षा सुनावण्याची मागणी पालकांकडून केली जात आहे. (In Rajasthan, a teacher raped a girl in the classroom)
इतर बातम्या
ऑनलाईन रिलेशनशीपमध्ये तिने ‘बॉयफ्रेण्ड’ समूजन बहिणीशी केले चॅटींग; 10 वर्षांनंतर झाला उलगडा
