प्रेमाला नकार दिला, तरुण भडकले, बदला घेण्यासाठी काय केले पहा?
प्रेमभावनेला कलंक लावणारी एक घटना उघडकीस आली आहे. ज्या मुलीवर प्रेम करत होते, तिने नकार देताच तरुणांनी जे केले ते पाहून तुम्हालाही संताप अनावर होईल.
उधमसिंह नगर : उत्तराखंडमध्ये एक संतापजनक प्रकार उघडकीस आला आहे. प्रेमाला नकार दिला म्हणून तरुणांनी तरुणींचे आक्षेपार्ह पोस्टर गावभर लावल्याची खळबळजनक घटना उघडकीस आली आहे. याप्रकरणी पोलिसात गुन्हा नोंद करण्यात आला आहे. मुलींच्या नातेवाईकांच्या तक्रारीवरून पोलिसांनी गुन्हा दाखल करून तपास सुरू केला आहे. याप्रकरणी एका आरोपीला अटक करण्यात आली आहे. अन्य दोन आरोपी फरार असून, पोलिसांकडून त्यांचा शोध सुरु आहे.
मुलींना प्रपोजलला नकार दिला म्हणून बदला घेतला
उधम सिंह नगरमध्ये राहणारे दोन तरुण गावातील दोन मुलींच्या मागे लागले होते. दोघांनी मुलींसमोर प्रेमप्रकरणाचा प्रस्ताव ठेवला, मात्र मुलींनी त्यांचा प्रस्ताव नाकारला. मुलींच्या नकारामुळे दोघेही चांगलेच संतापले आणि नकाराचा बदला घेण्यासाठी दोघांनीही लज्जास्पद कृत्य केले. दोन्ही तरुणांनी मुलींचे आक्षेपार्ह पोस्टर्स छापले. त्यावर मुलींच्या फोटोंसोबत त्यांचे मोबाईल क्रमांकही टाकले. तरुणांनी गावभर हे आक्षेपार्ह पोस्टर्स लावले. पोस्टर्स पाहून गावकरी हैराण झाले.
पोलिसांकडून प्रकरणाचा तपास सुरु
पोस्टर पाहून संपूर्ण गावात खळबळ उडाली होती. मुलींच्या नातेवाईकांना हा प्रकार कळताच त्यांनी तत्काळ पोलीस ठाणे गाठून या प्रकरणाची तक्रार केली. मुलींच्या नातेवाईकांच्या तक्रारीवरून पोलिसांनी गुन्हा दाखल करून तपास सुरू केला आहे. याप्रकरणी प्रिटिंगसह सर्व पुरावे गोळा करण्यात येत असून, या प्रकरणाचा तपास महिला उपनिरीक्षक करीत आहेत.
