कोण आहे अरबाझ मर्चंट ज्याचं ड्रग्जकांडमध्येही नाव आणि शाहरुखची मुलगीही करते फॉलो?
Who is Arbaaz Khan | एनसीबीच्या अधिकाऱ्यांनी क्रुझवरून ताब्यात घेतल्यानंतर आर्यन खानसह सर्वांचे मोबाईल फोन जप्त करण्यात आले होते. यावेळी अरबाझ मर्चंटच्या फोनमधील कॉल आणि Whatsapp Chat ची तपासणी केली असता त्यामधून ड्रग्ज कनेक्शनचे बरेच धागेदोरे समोर आले आहेत.
मुंबई: अभिनेता शाहरूख खानचा मुलगा आर्यन खानला ड्रग्ज पार्टी प्रकरणात अंमली पदार्थ नियंत्रण कक्षाकडून (NCB) अटक करण्यात आली आहे. आर्यन खान सध्या पोलीस कोठडीत असून त्याची चौकशी केली जात आहे. याप्रकरणात आर्यन खानसोबत अटक करण्यात आलेल्या आठ जणांमध्ये अरबाझ मर्चंट याचाही समावेश आहे. अरबाझ मर्चंट हाच आर्यन खानला क्रुझवर घेऊन गेल्याचे सांगण्यात येते. अरबाझ मर्चंट हा एरवीही ड्रग्ज पार्ट्यांमध्ये जात असल्याची माहिती आहे.
एनसीबीच्या अधिकाऱ्यांनी क्रुझवरून ताब्यात घेतल्यानंतर आर्यन खानसह सर्वांचे मोबाईल फोन जप्त करण्यात आले होते. यावेळी अरबाझ मर्चंटच्या फोनमधील कॉल आणि Whatsapp Chat ची तपासणी केली असता त्यामधून ड्रग्ज कनेक्शनचे बरेच धागेदोरे समोर आले आहेत.
कोण आहे अरबाझ मर्चंट?
अरबाझ मर्चंट हा आर्यन खान आणि सुहाना खान यांचा मित्र आहे. इन्स्टाग्रामवरही त्याची बऱ्यापैकी फॅन फॉलोइंग आहे. तो अनेकदा स्टार किडसच्या पार्ट्यांमध्ये दिसून आला आहे. अरबाझ मर्चंट हा मध्यंतरी पूजा बेदीची मुलगी अलाया एफ हिला डेट करत असल्याचीही चर्चा होती.
आर्यनच्या वकिलांचा कोर्टात नेमका युक्तीवाद काय?
आर्यन खानला रविवारी मुंबईच्या किला कोर्टात हजर करण्यात आले होते. यावेळी आर्यन खानच्या वकिलांकडून त्याची बाजू मांडण्यात आली. आर्यनकडे बोर्डिंग पासही नव्हता. त्याला त्या पार्टीचं निमंत्रण आलं होतं. तसेच त्याच्याकडे कोणत्याही पद्धतीचं ड्रग्स सापडलं नाही. त्यामुळे दोन दिवसांची कस्टडी न देता एकाच दिवसाची कस्टडी द्यावी, असा युक्तीवाद वकील सतिश माने-शिंदे यांनी कोर्टात केला. दोन्ही बाजूंचा युक्तीवाद ऐकून घेतल्यानंतर कोर्टाने तीनही आरोपींना एक दिवसांची कोठडी सुनावली.
एनसीबीचं म्हणणं काय?
एनसीबीने अरबाझ खानसह त्याच्या साथीदार अरबाज मर्चंट आणि मुनमुन या आरोपींची दोन दिवसांच्या पोलीस कोठडीची मागणी केली होती. मात्र किला कोर्टाने केवळ एक दिवसाची कोठडी मान्य केली आहे. त्यामुळे एनसीबीला आता चौकशीसाठी फक्त एक दिवस मिळाला आहे.
विशेष म्हणजे तीनही आरोपी एकमेकांना ओळखतात. त्यांच्यामध्ये पैशांचे व्यवहार झालेले आहेत. त्यामुळे हे सगळे ड्रग्ज त्यांच्याकडे कुठपर्यंत आले, कुणाच्या माध्यमातून आले? याचा तपास करण्यासाठी एनसीबीने दोन दिवसाच्या कस्टडीची मागणी केली होती. पण कोर्टाने एका दिवसाची कोठडी सुनावली आहे. उर्वरित पाच आरोपींना एनसीबी सोमवारी कोर्टात हजर करण्याची शक्यता आहे.
संबंधित बातम्या:
शाहरुख खानच्या मुलाला ताब्यात घेतल्यानंतर समीर वानखेडेंची पहिली प्रतिक्रिया, आर्यन खान…
सैफची मुलगी ते शाहरुखचा मुलगा, ड्रग्ज प्रकरणात NCB च्या गळाला लागलेल्या बॉलिवूड सेलिब्रिटींची यादी