VIDEO | मुंबईत भाजी विक्रेत्याला मारहाण CCTV मध्ये कैद, तिघांना बेड्या
या प्रकरणी उदयकुमार नाडर, बाळकृष्ण नाडर, आणि रमेश यांना अटक करण्यात आली आहे. मारहाणीचा प्रकार सीसीटीव्ही कॅमेरामध्ये कैद झाला होता. याची तपासणी केल्यानंतर पोलिसांनी तिघांना बेड्या ठोकल्या आहेत.
मुंबई : भाजी विक्रेत्याला मारहाण करणाऱ्या तिघा जणांना माटुंगा पोलिसांकडून अटक करण्यात आली आहे. 22 ऑगस्टला मुंबईतील माटुंगा परिसरात एका भाजी विक्रेत्याला तिघांनी बेदम मारहाण केली होती. सीसीटीव्ही पडताळल्यानंतर पोलिसांनी तिघांना बेड्या ठोकल्या आहेत.
काय आहे प्रकरण?
पीडित भाजी विक्रेता आधी आरोपी उदयकुमार नाडर याच्या भाजीच्या दुकानात काम करत होता. मात्र लॉकडाऊनमुळे उदयचं दुकान चालत नव्हतं. त्यावेळी पीडित व्यक्तीने दुकान मालकाशी बोलून ते दुकान स्वतः चालवायला घेतलं. याच रागातून त्याला मारहाण करण्यात आल्याचे स्पष्ट झाले आहे.
या प्रकरणी उदयकुमार नाडर, बाळकृष्ण नाडर, आणि रमेश यांना अटक करण्यात आली आहे. मारहाणीचा प्रकार सीसीटीव्ही कॅमेरामध्ये कैद झाला होता. याची तपासणी केल्यानंतर पोलिसांनी तिघांना बेड्या ठोकल्या आहेत.
पाहा व्हिडीओ :
पुण्यात पोटच्या मुलांची आईला बेदम मारहाण
दुसरीकडे, पोटच्या मुलांनीच आईचा छळ केल्याची धक्कादायक घटना पुण्यात उघडकीस आली आहे. संपत्तीमधील हिस्सा काढून घेण्यासाठी 58 वर्षीय महिलेचा छळ करण्यात आल्याचा आरोप आहे. आईलाच बेदम मारहाण करणाऱ्या दोघा मुलांवर बंडगार्डन पोलीस ठाण्यात कौटुंबिक छळाचा गुन्हा दाखल करण्यात आला आहे.
कोऱ्या स्टॅम्प पेपरवर आईने सह्या कराव्यात, फ्लॅट नावावर करून द्यावा अशी पीडित महिलेच्या मुलांची आणि इतर नईमाबादी कुटुंबीयांची मागणी होती. पीडित महिला तयार नसल्याने मुलाने आईला खुर्ची फेकून मारली. तसेच इतर कुटुंबीयांनी लाथा – बुक्क्यांनी मारहाण केल्याचा दावा केला जात आहे.
संबंधित बातम्या :
जालन्यातील तरुणाला केलेली अमानुष मारहाण पोलिसांना भोवली, PSI सह 5 पोलीस कर्मचाऱ्यांचं निलंबन
भररस्त्यात मारहाण करुन पहिल्या पत्नीचा विनयभंग, माजी नगरसेवकाला अटक
