Nagpur Crime : नागपूर गुन्हे शाखेनं जप्त केली तब्बल दीड कोटी रुपयांची सडकी सुपारी!
नागपूर (Nagpur) सडक्या सुपारी(Betel Nut)च्या तस्करीचं केंद्र बनत चाललं आहे. याप्रकरणी पोलिसां(Police)नी ट्रक जप्त केलाय.
नागपूर : देशातलं मध्यवर्ती असलेलं नागपूर (Nagpur) सडक्या सुपारी(Betel Nut)च्या तस्करीचं केंद्र बनत चाललं आहे. नागपुरातून मोठ्या प्रमाणात सुपारीचा व्यापार होतो. मात्र त्या आडून सडक्या सुपारीचीसुद्धा आवक केली जातेय. याप्रकरणी पोलिसां(Police)नी ट्रक जप्त केलाय.
पोलिसांना गुप्त माहिती
गुन्हे शाखा पोलिसांना गुप्त माहिती मिळाली, की ट्रान्सपोर्ट प्लाझामध्ये सडक्या सुपरीचा एक ट्रक येणार आहे. पोलिसांनी सापळा रचत ट्रक पकडला आणि ताब्यात घेतला असता त्या ट्रॅकमध्ये सुपारी होती, मात्र त्याची वाहतूक वेगळ्याच मालाची होती. हा ट्रॅक जप्त करण्यात आला. यात जवळपास 80 लाख रुपये किंमतीची सुपारी होती.
60 लाख रुपये किंमतीची
पोलिसांना आणखी एका गोडाऊनमध्ये अश्याच प्रकारे सुपारी असल्याची माहिती मिळाली. त्या ठिकाणी धाड टाकत कारवाई केली असता 60 लाख रुपये किमतीची सुपारी मिळून आली. याची संपूर्ण माहिती अन्न औषध प्रशासन विभागा(Food and Drug Administration)ला देण्यात आली असून त्यांच्या स्वाधीन हा माल करण्यात आला. यात आणखी मोठे तार जुळले असल्याचा अंदाज पोलिसांना आहे.
अनेक मोठे मासे?
सडक्या सुपारीचा मोठा गोरखधंदा नागपुरातून चालत असून, यात अनेक मोठे मासे असल्याचं समोर येत आहे. मात्र पोलिसांनी आता यांच्या बुडाशी जाऊन तपास करण्याची गरज आहे.
अनेकदा कारवाई
तीन वर्षांपूर्वी ट्रान्सपोर्ट प्लाझा परिसरात अनुप नगरियाची सुपारी पकडली होती. जप्त करण्यात आलेली सुपारी एका व्यापाऱ्यासाठी बोलावण्यात आली होती. या व्यापाऱ्याविरुद्ध अनेकदा कारवाई करण्यात आली. गेल्या आठवड्यातही चेन्नई येथे मोठ्या प्रमाणात सुपारी आली होती. त्यातील काही सुपारी नागपूरला आली आहे. याप्रकरणी तपास केल्यास मोठे खुलासे समोर येण्याची शक्यता आहे.
