Nashik Crime : इगतपुरी शहरात गॅंगवारचा भडका एकाची हत्या तर एक जण गंभीर जखमी, संचारबंदी लागू बाजारपेठा बंद

सांगलीतील विट्यात दोन चिमुरड्यांसह विवाहितेची आत्महत्या

शैलेश पुरोहित / नाशिक : इगतपुरी शहरात पूर्ववैमनस्यातून दोन गटांत तुफान हाणामारी झाली आहे. या वादातून एकाची हत्या(Murder) झाला असून, एक जण गंभीर जखमी झाला आहे. नागरीक प्रचंड दहशतीखाली आहेत. पोलिसांनी इगतपुरी शहरात संचारबंदी लागू केली असून, घटनेनंतर मुख्य बाजारपेठ बंद करण्यात आली. राहुल साळवे(Rahul Salve) असे मयत तरुणाचे नाव असून तो एक सराईत गुंड होता. त्याच्यावर रेल्वे पोलिसात व शहर पोलिसात विविध गुन्हे दाखल आहेत. संशयित 20 ते 25 आरोपी पसार झाले असून पोलिसांकडून कसून तपास केला जात आहे. सदो गावात गुरुवारी घडलेल्या हाणामारीच्या पार्श्वभूमीवर आजची गँवॉरची घटना घडली आहे. (One killed, one seriously injured in Igatpuri gang war)

हाणामारीत वाहनांचे मोठे नुकसान

इगतपुरी शहरातील गायकवाड नगर परिसरात दुपारी 2 वाजण्याच्या सुमारास दोन गटामध्ये तुंबळ हाणामारी झाली. यावेळी दगडफेक आणि तलवारी, कोयते, चॉपरने राडा झाला आहे. या घटनेमध्ये 3 चारचाकींचे मोठ्या प्रमाणावर नुकसान झाले आहे. यासह 5 मोटारसायकलींचे देखील मोठे नुकसान झाले आहे. काळू सदगिर यांच्या 5 घरांना ह्या घटनेमुळे चांगलाच फटका बसला असून पत्रे, दरवाजे तुटले आहे. काचा फुटल्या असून खिडक्या, पत्रे आणि दरवाजावर तुफान दगडफेक झाली आहे. दरवाजा उघडत नाही म्हणून दरवाज्यावर तलवारीचे वार करून दरवाजा तोडण्याचा प्रयत्न करण्यात आला आहे.

नाशिक ग्रामीण पोलिसांचे नागरिकांना आवाहन

इगतपुरीतील घटनेबाबत पोलिसांकडून योग्य ती कार्यवाही सुरू आहे. पूर्ववैमनस्यातून आजची घटना घडली आहे. नांदगाव सदो या गावात गुरुवारी एक गटाची भांडणे झाली होती. त्यातून आजच्या मारामारीची घटना घडली. पोलिसांकडून इगतपुरी शहरात सध्या शांतता प्रस्थापित करण्यात आली आहे. नागरिकांनी घाबरून जाऊ नये. पोलिसांकडून कसून तपास सुरू आहे. नागरिकांकडे याबाबत सीसीटीव्ही फुटेज अथवा अन्य कोणत्याही प्रकारची माहिती असेल तर न घाबरता पोलिसांना याबाबत माहिती द्यावी. संबंधितांचे नाव गुप्त ठेवण्यात येईल, असे आवाहन नाशिक ग्रामीणचे पोलीस अधीक्षक सचिन पाटील यांनी केले आहे. (One killed, one seriously injured in Igatpuri gang war)

इतर बातम्या

Kalyan : बांधकाम परवानगीमधील अनियमितता केडीएमसीच्या पाच माजी आयुक्तांसह 18 जणांविरुद्ध गुन्हा दाखल

Nanded Crime : नांदेडमधील अल्पवयीन मुलीवर गुजरातमध्ये नेऊन लैंगिक अत्याचार, आरोपी अटक