खंडणीचा नवा फंडा! महिलेसह दोघा संशयितांनी आठ लाख उकळले, गुन्हा दाखल झाल्यानंतर नाशिकमध्ये खळबळ, काय घडलं?
नाशिक शहरातील देवळाली कॅम्प पोलिस ठाण्याच्या हद्दीत घडलेला हा प्रकार ऐकून पोलिसही चक्रावले आहे. पोलिसांच्या तपासात कोणत्या बाबी समोर येतात हे पाहणे महत्वाचे आहे.
नाशिक : नाशिकमध्ये एका महिलेने दोन पुरुषांना घेऊन आठ लाखांची खंडणी वसूल केल्याचा धक्कादायक प्रकार समोर आला आहे. विशेष म्हणजे यासाठी लढवलेली शक्कल ऐकून पोलिस ही चक्रावून गेले आहे. यामध्ये महत्वाची बाब म्हणजे महिलेसह तिच्या साथीदारांनी बलात्काराच्या खोट्या गुन्ह्यात बदनामीची भीती आणि चाकूचा धाक दाखवत आठ लाख उकळवले आहेत. देवळाली कॅम्प पोलिस ठाण्यात याबाबत खंडणी आणि धमकीचा गुन्हा दाखल झाला आहे. यामध्ये नीलेश रमेशचंद्र अग्रवाल यांच्या तक्रारीवरुन गुन्हा दाखल करण्यात आला आहे. त्यामध्ये देवळाली पोलिसांनी एकाला अटक केली असून दोघे फरार आहे.
यामध्ये एक तीस वर्षीय महिला आणि देवळाली कॅम्प येथील रवी वाघ आणि जळगाव येथील गणेश यांच्यावर गुन्हा दाखल करण्यात आला आहे. महिलेवर वाईट कॉमेंट करता म्हणून रेपच्या गुन्ह्यात अडकवतो म्हणत बदनामीची धमकी देत आठ लाख रुपये उकळवले आहे.
यामध्ये चाकूचा धाक दाखवत शिवीगाळ करत मारहाण करत जीवे मारण्याची धमकी देत पैसे उकळवले आहे. त्यानंतर नीलेश अग्रवाल यांनी देवळाली कॅम्प पोलिस ठाण्यात फिर्याद दिली. त्यानंतर पोलिसांनी तात्काळ गुन्हा दाखल करून घेत एकाला अटक केली आहे.
देवळाली कॅम्प पोलिस ठाण्याचे पोलिस उपनिरीक्षक संदेश पाडवी यांच्याकडे या प्रकरणाचा तपास असून अधिकचा तपास वरिष्ठ पोलिस निरीक्षक कुंदन जाधव करीत आहे. यामध्ये संबंधित महिलेसह एक साथीदार फरार असयाने त्यांचा शोध घेतला जात आहे.
नाशिक शहरातील देवळाली कॅम्प पोलिस ठाण्याच्या हद्दीत घडलेला हा प्रकार ऐकून पोलिसही चक्रावले आहे. पोलिसांच्या तपासात कोणत्या बाबी समोर येतात हे पाहणे महत्वाचे असले तरी दुसरीकडे पोलिसांच्या तपासात कोणत्या बाबी समोर येतात हे पाहणे महत्वाचे ठरणार आहे.
महिलेसह दोघांनी पैसे उकळविण्यासाठी लढवलेली शक्कल खळबळ उडवून देणारा असून शहरात उलटसुलट चर्चा सुरू आहे. थेट खंडणी गोळा करण्यासाठी बलात्काराच्या खोट्या गुन्ह्याची धमकी दिली जात असल्याने पोलिसांचं टेंशन देखील वाढले आहे.