कानडी ब्रोकरने महाराष्ट्रातील नागरिकांना लावला चुना, कोट्यवधी रुपयांना पाहा कसा गंडा घातला, प्रकरण गेलं पोलिस ठाण्यात…
कर्नाटक मधील दोघांनी नाशिकमधील एका व्यक्तीला कोट्यवधी रुपयांना गंडा घातला आहे. बड्या कंपनीचे प्रमाणपत्र दाखवून विश्वास संपादन करत केलेली फसवणूक चर्चेचा विषय ठरत आहे.
नाशिक : फसवणूक करण्यासाठी भामटे नवनवीन शक्कल लढवत असतात. यामध्ये जर काही ऑनलाइन बाबी असतील तर मग फसवणूक होण्याची शक्यता अधिक निर्माण झालेली असते. त्यामध्ये तर अधिक पैशांचे आमिष दाखवले तर अनेक जण फसवणुकीला बळी पडल्याचे समोर आले आहे. असाच एक धक्कादायक प्रकार समोर आला असून नाशिकच्या देवळाली कॅम्प पोलिस ठाण्यात गुन्हा दाखल करण्यात आला आहे. यामध्ये दोन्ही संशयित हे कर्नाटक मधील असून त्यांनी सव्वा कोटी रुपयांच्या वर रकमेची फसवणूक केली आहे. शेयर मार्केटमधील पैशांवर व्याजाचे आमिष दाखवून ही फसवणूक केली आहे.
शेयर मार्केट बद्दल अनेकांना माहिती नसते. त्यासाठी अनेक जण हे ब्रोकरला प्राधान्य देत असतात. असाच कर्नाटक येथील दोन भामटयांनी नाशिकमधील व्यक्तीची सव्वा कोटी रुपयांची फसवणूक केल्याचा गुन्हा देवळाली पोलिस ठाण्यात करण्यात आला आहे.
देवळाली पोलिस ठाण्यात दाखल करण्यात आलेल्या गुन्ह्यात एक कोटी 38 लाख रुपयांना गंडा घातल्याचा प्रकार समोर आला आहे. शेयर बाजारातील आर्थिक गुंतवणुकीच्या रकेमवर चार टक्के इतका परतावा मिळेल असे आमिष दाखविले होते.
भगरू येथील रहिवासी असलेले संजय सदानंद बिन्नर यांनी देवळाली कॅम्प पोलिस ठाण्यात दीलेल्या फिर्यादीवरुन गुन्हा दाखल केला आहे. यामध्ये कर्नाटक येथील युवराज बाळकृष्ण पाटील आणि राहुल शंकर गौडा यांच्यावर गुन्हा दाखल केला आहे.
संशयित आरोपी यांनी तक्रारदार बिन्नर यांना 2020 मध्ये काही प्रसिद्ध कंपन्यांचे ब्रोकरचे प्रमाणपत्र दाखविले होते. त्यामध्ये अधिकृत ब्रोकर असल्याचे भासवत बिब्बर यांना गंडा घातला आहे. चार टक्के परतावा देण्याचे आमिष दाखवू विश्वास संपादन करत फसवणूक केली आहे.
यामध्ये वारंवार पैसे मागवूनही पैसे मिळत नसल्याने आपली फसवणूक झाल्याची बाब समोर आली. त्यानंतर बिन्नर यांनी दोघांच्या विरोधात तक्रार दिली आणि त्यावरून देवळाली कॅम्प पोलिसांनी गुन्हा दाखल केला असून अधिकचा तपास केला जात आहे.