मुलाची कमाल, बाप बेहाल, सावत्र आईसोबत मुलाची लगीनगाठ, पित्याची पोलिसात तक्रार
दुसरी पत्नी माहेरी गेली आणि अनेक दिवस परत आली नाही, म्हणून तो तिला आणायला गेला, तेव्हा त्याला कळलं की ती त्याच्या पहिल्या पत्नीपासून झालेल्या मुलासोबत राहते. मुलाने सावत्र आईसोबतच लग्न केल्याचा आरोप पीडित पतीने केला आहे.
देहरादून : उत्तराखंडमधील (Uttarakhand Crime News) उधम सिंह नगर जिल्ह्यात नात्यांची लक्तरं वेशीवर टांगणारी घटना समोर आली आहे. येथे एका तरुणाने आपल्या सावत्र आईशी लग्न (Step Mother) केले. ही घटना लोकांना समजली जेव्हा महिलेच्या पतीने पोलिस स्टेशन गाठून मुलाविरुद्ध तक्रार दाखल केली. सध्या आई-मुलाचे लग्न (Wedding) हा संपूर्ण परिसरात चर्चेचा विषय ठरला आहे.
काय आहे प्रकरण?
उधम सिंह नगर जिल्ह्यातील कोतवाली बाजपूरमध्ये ही घटना घडली आहे. पीडित पतीने पोलिसांना दिलेल्या फिर्यादीनुसार 11 वर्षांपूर्वी त्याने दुसरं लग्न केलं होतं. त्याला पहिल्या पत्नीपासून दोन मुले आहेत. मात्र दुसऱ्या लग्नानंतर त्याची दोन्ही मुले त्याला सोडून गेली. दुसऱ्या पत्नीपासून दोन मुली आणि एक मुलगा अशी तीन अपत्ये आहेत. या काळात पहिल्या पत्नीच्या मुलांचे घरी येणे-जाणे सुरु झाले. सगळे जण एका कुटुंबासारखे एकत्र राहत होते.
मुलगा सावत्र आईसोबत
दरम्यान, दुसरी पत्नी माहेरी गेली आणि अनेक दिवस परत आली नाही, म्हणून तो तिला आणायला गेला, तेव्हा त्याला कळलं की ती त्याच्या पहिल्या पत्नीपासून झालेल्या मुलासोबत राहते. मुलाने सावत्र आईसोबतच लग्न केल्याचा आरोप पीडित पतीने केला आहे. पत्नीला आणण्यासाठी गेला असताना आपल्याला मारहाण करण्यात आली. पत्नीनेही परतण्यास नकार दिला, असा दावा त्याने केला आहे.
याशिवाय दुसऱ्या पत्नीने 20 हजार रुपये घेतल्याचा आरोपही त्याने केला आहे. आरोपीच्या तक्रारीनंतर पोलिसांनी या प्रकरणाचा तपास सुरू केला आहे. बन्ना खेडा चौकीचे प्रभारी अर्जुन गिरी गोस्वामी यांनी सांगितले की, एका व्यक्तीने आपल्या मुलावर त्याच्या सावत्र आईला पळवून नेल्याचा आरोप केला आहे. पोलिसांचा तपास सुरु आहे