Lok Sabha Election Date 2024: सातव्या टप्प्यासाठी 1 जून रोजी मतदान, 8 राज्यातील 57 जागांसाठी होणार मतदान

निवडणूक आयोगाने आज शनिवारी देशाच्या 18 व्या लोकसभा निवडणुकांच्या तारखा घोषित केल्या आहेत. यावेळी देशात सात टप्प्यात मतदान होणार आहे. सातव्या आणि शेवटच्या टप्प्यात उत्तर प्रदेश आणि बिहारसह देशातील 8 राज्यात 1 जून रोजी मतदान होणार आहे. निवडणुकीसाठीची नोटिफिकेशन 7 मे रोजी जारी करण्यात आली आहे. 14 मेपर्यंत नामांकन अर्ज भरायचे आहेत. 15 मे रोजी नामांकन अर्जाची छाननी होईल. तर 17 मे रोजी उमेदवार अर्ज मागे घेऊ शकतील.

या निवडणुकीत दोन राज्यात आणि एका केंद्रशासित प्रदेशात एकाच टप्प्यात म्हणजे 1 जून रोजी मतदान होणार आहे. मतदानाच्या दोन दिवसानंतर म्हणजे 4 जून रोजी मतमोजणी होणार आहे. देशात निवडणुकांची बिगूल वाजलं आहे. निवडणूक आयोगाने सात टप्प्यात होणाऱ्या निवडणुकांच्या तारखा जाहीर केल्या आहेत. देशात सातव्या टप्प्यासाठी 8 राज्य आणि केंद्रशासित प्रदेशातील एकूण 57 जागांवर मतदान होणार आहे. 8 राज्य आणि केंद्रशासित प्रदेशात पंजाब, हिमाचल प्रदेश आणि चंदीगडमध्ये एका टप्प्यात मतदान होणार आहे.

lok sabha election 2024

सातव्या टप्प्यासाठी 1 जूनला मतदान

पंजाबच्या सर्व 13 लोकसभा जागांवर याच टप्प्यात मतदान होणार आहे. हिमाचल प्रदेशात या टप्प्यात 4 जागांवर मतदान होणार आहे. या टप्प्यात उत्तर प्रदेशातील उरलेल्या 13 जागांवर मतदान होणार आहे. बिहारमध्ये 8 जागांवर याच दिवशी मतदान होणार आहे. याशिवाय ओडिशातील 6, झारखंड्या उरलेल्या तीन, पश्चिम बंगालच्या 9 आणि चंदीगडच्या एकमेव जागेवर मतदान होणार आहे.