Uttar Pradesh Election: मुलायम सिंह यादव जिथे शिकले, नोकरीला लागले तिथूनच अखिलेश यादव लढणार; अखेर सस्पेन्स संपला!

Uttar Pradesh Election: मुलायम सिंह यादव जिथे शिकले, नोकरीला लागले तिथूनच अखिलेश यादव लढणार; अखेर सस्पेन्स संपला!
Akhilesh Yadav

समाजवादी पार्टीचे नेते अखिलेश यादव कोणत्या मतदारसंघातून लढणार? याबाबतचा सस्पेन्स अखेर संपुष्टात आला आहे. ज्या मैनपुरीच्या करहलमध्ये वडील मुलायम सिंह यादव यांनी शिक्षण घेतलं आणि नोकरीही केली.

टीव्ही 9 मराठी डिजीटल टीम

| Edited By: भीमराव गवळी

Jan 20, 2022 | 8:18 PM

लखनऊ: समाजवादी पार्टीचे नेते अखिलेश यादव कोणत्या मतदारसंघातून लढणार? याबाबतचा सस्पेन्स अखेर संपुष्टात आला आहे. ज्या मैनपुरीच्या करहलमध्ये वडील मुलायम सिंह यादव यांनी शिक्षण घेतलं आणि नोकरीही केली. त्याच मतदारसंघातून अखिलेश यादव निवडणूक लढणार आहे. अखिलेश यादव पहिल्यांदाच विधानसभा निवडणूक लढणार असल्याने या लढतीकडे संपूर्ण देशाचं लक्ष लागलं आहे.

अखिलेश यादव हे आजमगढच्या गुन्नौरमधून निवडणूक लढतील असं सांगितलं जात होतं. मात्र अखिलेश यांनी सर्व अंदाज फोल ठरवत मैनीपूरीच्या करहलमधून लढणार असल्याचं जाहीर केलं आहे. अखिलेश यादव यांचे वडील मुलायम सिंह यादव यांनी करहलच्या जैन इंटर कॉलेजातून शिक्षण घेतलं होतं. याच ठिकाणी त्यांनी शिक्षक म्हणूनही नोकरी केली होती. मुलायम सिंह यादव यांचं गाव सैफईपासून केवळ चार किलोमीटरच्या अंतरावर करहल गाव आहे.

सपाचा दबदबा

करहल विधानसभा मतदारसंघात समाजवादी पार्टीचा नेहमीच दबदबा राहिला आहे. 2007, 2012 आणि 2017 या तिन्ही निवडणुकीत समाजवादी पार्टीने विजय मिळवला आहे. करहल विधानसभा मतदारसंघ सैफईच्या बाजूलाच आहे. त्यामुळे मुलायम सिंह यादव यांचा या मतदारसंघात नेहमी हस्तक्षेप असतो. गेल्या तीन टर्मपासून या मतदारसंघात सोबरन यादव आमदार आहेत. अत्यंत सामान्य नेता म्हणून ओळख असलेल्या सोबरन यांच्या डोक्यावर मुलायम सिंह यांचा हात आहे. 2017 च्या निवडणुकीत सोबरन सिंह यादव यांनी 104221 मते घेऊन भाजपाचे राम शाक्य यांचा 38405 मतांनी पराभव केला होता. बसपाने या मतदारसंघातून दलवीर यांना उमेदवारी दिली होती. तर आरएलडीने यादव मतात फूट पाडण्यासाठी कौशल यादव यांना या मतदारसंघातून उमेदवारी दिली होती.

अखिलेश यादव मैनपुरी लोकसभा मतदारसंघातील करहलमधून लढत असल्याने अन्य जिल्ह्यातही त्याचा फरक पडणार आहे. कानपूर आणि आग्रा मंडळातील अनेक जागांसह फिरोजाबाद, एटा, ओरैया, इटावा, कन्नौजसहीत अनेक जागांवर त्याचा परिणाम होणार आहे. हे जिल्हे समाजवादी पार्टीचे गड मानले जाता. त्यामुळे अखिलेश यादव यांच्या उमेदवारीमुळे या जिल्ह्यांमध्ये समाजवादी पार्टीला मोठा फायदा होणार आहे.

भाजपची खेळी

दरम्यान, भाजपने पहिल्या आणि दुसऱ्या टप्प्यातील यादीत 63 विद्यमान आमदारांना पुन्हा तिकीट दिलं आहे. ज्या 107 उमेदवारांना भाजपने तिकीट दिलं त्यामध्ये 44 ओबीसी, 19 एससी आणि 10 महिलांचा समावेश आहे. म्हणजे भाजपाने पहिल्या यादीत ओबीसी, एससी आणि महिला आदी 68 टक्के उम्मीदवारांना तिकीट दिलं आहे.

संबंधित बातम्या:

UP Assembly Election 2022: योगी आदित्यनाथ अयोध्येतून लढणार नाही, सेफ मतदारसंघातून लढणार; उपमुख्यमंत्री मोर्य सिराथूमधून मैदानात

VIDEO: काँग्रेसला गोव्यात 40 पैकी 45 जागा मिळतील, महाविकास आघाडीचा प्रयोग फसल्यानंतर राऊतांचा सणसणीत टोला

Startup India: 16 जानेवारी हा दिवस ‘नेशनल स्टार्ट-अप डे’ म्हणून साजरा करणार; पंतप्रधान मोदींची घोषणा

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें