पोलिसांपासून वाचण्यासाठी 40 तासांमध्ये अभिनेता फिरला तब्बल पाच राज्यात, अत्यंत हैराण करणारे खुलासे, अखेर पोलिसांनी..

बाॅलिवूड अभिनेता साहिल खान याच्या अडचणीमध्ये चांगलीच वाढ झालीये. महादेव बेटिंग ॲप प्रकरण अभिनेत्याच्या अंगलट आल्याचे बघायला मिळतंय. पोलिसांनी साहिल खान याला छत्तीसगढ येथून अटक केली. पोलिस साहिल खान याच्या मागावर होते. 1 मे पर्यंत साहिल खान याला पोलिस कोठडी सुनावली आली आहे. मात्र, पोलिसांनी आपल्याला अटक करू नये, यासाठी सतत आपले लोकेशन बदलताना साहिल खान दिसला. हेच नाही तर अत्यंत महत्वाचे काम असल्याशिवाय साहिल खान हा आपला मोबाईल देखील सुरू करत नसल्याचे रिपोर्टमध्ये सांगण्यात आले.

महादेव बेटिंग ॲप प्रकरणात फक्त साहिल खान हाच नाही तर अजूनही बाॅलिवूड कलाकारांची नाव पुढे आली आहेत. माहितीनुसार साहिल खान हा अटकेपासून वाचण्यासाठी 40 तासांमध्ये तब्बल 5 राज्यांमध्ये फिरला. 25 एप्रिलला साहिल खान याची अटकपूर्व याचिका कोर्टाने फेटाळली, त्यानंतर साहिल खान मुंबईतून फरार झाला.

साहिल खान हा सर्वात अगोदर कर्नाटकला गेला. त्यानंतर तिथे थोडा आराम करून तेलंगना हैद्राबाद येथे पोहचला. यावेळी गाडी आणि एक चालक देखील त्याच्यासोबत होता. अभिनेता सतत फोन बंद करत असल्याने पोलिसांनी थेट त्याच्या गाडी चालकाच्या फोनचे लोकेशन ट्रेस केले. छत्तीसगढला जाण्यासाठी अभिनेता गडचिरोलीच्या घनदाट जंगलातूनही गेला.

यानंतर साहिल खान याने जगदलपूर येथे एक हाॅटेल बुक केले. यावेळी पोलिस साहिल खान याच्या मागावरच होते. याची कल्पना साहिल खान याला अजिबात नव्हती. हेच नाही तर साहिल खान याला पोलिसांनी ज्यावेळी ताब्यात घेतले, त्यावेळी त्याने आपल्या चेहऱ्याला मास्क लावले होते. आपला चेहरा लपवताना साहिल खान हा दिसत होता.

‘द लोटस बुक ॲप’ नावाच्या ॲप्लिकेशनमध्ये साहिल खान हा पार्टनर होता. या ॲपचा तो प्रचारही करत होता. हे ॲप महादेव बेटिंग ॲपशीही जोडलेले आहे. यासोबतच अजूनही काही आरोप हे साहिल खान याच्यावर करण्यात आले. साहिल खान याच्या चित्रपटांना काही खास धमाका करण्यात यश मिळाले नाही. साहिल खान हा कोट्यवधी संपत्तीचा मालक आहे. सोशल मीडियावर साहिल खानची फॅन फाॅलोइंग जबरदस्त आहे.