Video: घटस्फोटीत अभिनेता पडला प्रेमात, गर्लफ्रेंडला नको तिकडे रंग लावताना पाहून संतापले नेटकरी
सध्या सोशल मीडियावर एका घटस्फोटीत अभिनेत्याचा व्हिडीओ व्हायरल झाला आहे. या अभिनेत्याच्या आयुष्यात पुन्हा प्रेम फुलले आहे. पण त्याने गर्लफ्रेंडला ज्या प्रकारे रंग लावला ते पाहून अनेकांनी ट्रोल केले आहे.
कलाकार म्हटले की लव्ह, अफेअर, लग्न, घटस्फोट या गोष्टी आल्याच. त्यांच्या खासगी आयुष्याची फार चर्चा सुरु असते. आमिर अली हा टीव्ही जगतातील सर्वात आवडता आणि लोकप्रिय अभिनेता आहे. तो अशा अभिनेत्यांपैकी एक आहे ज्याने चित्रपट आणि ओटीटी विश्वात पदार्पण करताच आपल्या अभिनयाचा ठसा उमटवला आहे. ‘क्या दिल में है’ आणि ‘F.I.R’मधील त्याची भूमिका विशेष गाजली होती. त्याच्या व्यावसायिक जीवनासोबत खासगी जीवनची विशेष चर्चा रंगलेली असते. आता हा अभिनेता ट्रोल होताना दिसत आहे.
काय आहे व्हिडीओ?
आमिर अलीने १० वर्षांपूर्वी अभिनेत्री संजीदा शेखसोबत लग्न केले होते. पण काही दिवसांपूर्वी त्यांचा घटस्फोट झाला. आता आमिर अंकिता कुकरेतीला डेट करत असल्याचे समोर आले आहे. धुलिवंदनाच्या दिवशी आमिर आणि अंकिता एकत्र दिसले. त्यांचा एक व्हिडीओ सोशल मीडियावर व्हायरल होताना दिसत आहे. व्हिडीओमध्ये अंकिताने ब्लॅक शॉर्ट्स आणि जॅकेट घातले आहे. तर आमिरने राखाडी रंगाचा शर्ट घातला आहे. दोघेही एकमेकांकडे पाहात असतात. त्यानंतर आमिर हातात रंग घेतो आणि अंकिताच्या खांद्यावर, त्यानंतर मग छातीला-मानेला रंग लावतो. तो ज्याप्रकारे रंग लावतो ते पाहून सर्वजण अनेकांनी आमिरला ट्रोल केले आहे.
View this post on Instagram
नेटकऱ्यांनी केले ट्रोल
सोशल मीडियावर आमिर अलीचा व्हिडीओ व्हायरल होताच अनेकांनी कमेंट्स करण्यास सुरुवात केली आहे. एका यूजरने, ‘संजीदा खूप छान होती’ असे म्हटले आहे. तर दुसऱ्या एका यूजरने, ‘आमिर नावाच्या मुलांना झाले काय आहे… तिकडे आमिर खान मिस्ट्री गर्लला घेऊन फिरत आहे… हा आमिर अली पण विचित्र काम करतोय… आता देशात नवे वारे वाहात आहेत’ अशी कमेंट केली आहे.
आमिरने २०१२मध्ये केले होते लग्न
आमिर अलीने २०१२मध्ये संजीदा शेखशी लग्न केले होते. २०१९मध्ये त्यांना एक मुलगी झाली. तिचे नाव आयरा आहे. त्यानंतर २०२०मध्ये ते दोघे वेगळे होत असल्याच्या अफवा सुरु होत्या. पण २०२१मध्ये त्यांच्या घटस्फोटाने सर्वजण चकीत झाले.
