Atique Ahmed | ‘मुलाला मारून आता त्याच्या कुटुंबाची मस्करी का?’, अतिक अहमदच्या हत्येप्रकरणी अभिनेत्याचा सवाल
अतिकवर विविध प्रकारचे सुमारे 100 गुन्हे दाखल होते. उमेश पाल हत्याप्रकरणातील आरोपी असलेला अतिकचा मुलगा असाद आणि असादचा साथीदार गुलाम हे गुरुवारी झाशी इथलं पोलीस चकमकीत ठार झाले होते.
मुंबई : उत्तरप्रदेशच्या प्रयागराजमध्ये 15 एप्रिल रोजी कुख्यात गुंड आणि राजकारणी अतिक अहमद आणि त्याचा भाऊ अशरफ यांची हत्या करण्यात आली. त्याच्या दोन दिवस आधी अतिकचा मुलगा असदचा एन्काऊंटर करण्यात आला होता. अतिक आणि त्याच्या भावाच्या हत्येच्या तपासासाठी तीन सदस्यीय विशेष तपास पथक (एसआयटी) स्थापन केलं आहे. या हत्येनंतर माध्यमांमध्ये सतत त्याच्या कुटुंबीयांची कहाणी दाखवली जात आहे. त्यावर आता एका बॉलिवूड अभिनेत्याने आक्षेप घेतला आहे. ‘अतिकच्या कुटुंबीयांची मस्करी का करताय? ही चांगली गोष्ट आहे का? थोडीतरी मर्यादा बाळगा’, असं त्याने ट्विटरवर म्हटलंय.
अतिकच्या कुटुंबीयांच्या बाजूने ट्विट करणारा हा अभिनेता दुसरा तिसरा कोणी नसून स्वयंघोषित चित्रपट समीक्षक कमाल आर. खान आहे. केआरकेनं त्याच्या ट्विटमध्ये म्हटलंय, ‘चला अतिक अहमदला मारलं, त्याच्या भावाला मारलं, त्याच्या मुलाचाही जीव घेतला. आता त्याच्या कुटुंबीयांची न्यूज चॅनल्सवर खिल्ली का उडवली जातेय? ही चांगली गोष्ट आहे का? वाईट वेळ ही कधीही कोणावरही येऊ शकते. मात्र थोडी मर्यादा बाळगा. कोणाच्याही मृत्यूवर पैसे कमावू नका.’ अतिकच्या हत्येप्रकरणी त्याने याआधीही काही ट्विट केले आहेत.
केआरकेच्या या ट्विटरवर नेटकऱ्यांकडून विविध प्रतिक्रिया येत आहेत. ‘माफिया डॉन हा तुझा नातेवाईक होता का? इतकं का वाईट वाटतंय तुला’, असा सवाल एकाने केला. तर ‘अतिक अहमदने 200 हून अधिक कुटुंब उद्ध्वस्त केले होते. त्याला कसली सहानुभूती दाखवतोय’, असं दुसऱ्या युजरने म्हटलंय.
केआरकेचं ट्विट
चलो अतीक अहमद को मार दिया, उसके भाई को मार दिया, उसके बेटे को मार दिया! अब उस परिवार का न्यूज़ चैनल्स पर मज़ाक़ क्यों उड़ाया जा रहा है? क्या ये अच्छी बात है? बुरा वक़्त तो कभी भी किसी का भी आ सकता है! लेकिन थोड़ी मर्यादा रखिए! किसी की मौत से पैसे मत कमाइये!
— KRK (@kamaalrkhan) April 17, 2023
गुन्हेगारी विश्वातून राजकारणातून आलेला माजी खासदार अतिक अहमद आणि त्याचा भाऊ अशर्रफ यांची शनिवारी रात्री अज्ञात हल्लेखोरांनी गोळ्या झाडून हत्या केली. त्यांना वैद्यकीय चाचणीसाठी प्रयागराज इथल्या वैद्यकीय महाविद्यालयात नेताना पोलिसांच्या ताब्यात असताना हा हल्ला झाला. याप्रकरणी पोलिसांनी तीन हल्लेखोरांना अटक केली आहे.
अतिकवर विविध प्रकारचे सुमारे 100 गुन्हे दाखल होते. उमेश पाल हत्याप्रकरणातील आरोपी असलेला अतिकचा मुलगा असाद आणि असादचा साथीदार गुलाम हे गुरुवारी झाशी इथलं पोलीस चकमकीत ठार झाले होते. त्यांच्यावर शनिवारी सकाळी अंत्यसंस्कार झाले. त्यानंतर शनिवारी अतिक आणि त्याचा भाऊ अशर्रफ यांना उमेल पाल हत्येप्रकरणात पोलीस वैद्यकीय चाचणीसाठी प्रयागराजला घेऊन आले होते. त्यावेळी हल्ला झाला.
