ऐश्वर्या रायने आराध्याच्या जन्मानंतर केलाय संकटांचा सामना, तिच्यासाठी घेतलेला रवीनाने पुढाकार

बॉलिवूडची ‘मस्त गर्ल’ अभिनेत्री रवीना टंडन हिने 90 च्या दशकात बॉलिवूड आणि चाहत्यांच्या मनावर राज्य केलं. अनेक सिनेमांमध्ये महत्त्वाची भूमिका साकारत अभिनेत्रीने चाहत्यांचं मनोरंजन केलं. आज रवीना बॉलिवूडपासून दूर असली तरी कोणत्या न कोणत्या कारणामुळे चर्चेत असते. बॉलिवूडची प्रसिद्ध अभिनेत्री असल्यामुळे रवीना फक्त तिच्या प्रोफेशनल आयुष्यामुळे नाहीतर, खासगी आयुष्यामुळे देखील कायम चर्चेत असते. रवीना यशाच्या शिखरावर तर पोहोचली, पण अभिनेत्रीला अनेक चढ-उतारांचा सामना करावा लागला.

एक काळ असा आला होता जेव्हा बॉलिवूडच्या सर्वात सुंदर अभिनेत्रीला बॉडी शेमिंगचा सामना करावा लागला. तेव्हा अभिनेत्रीने काहीही न बोलता मौन बाळगणं योग्य समजलं. त्यानंतर रवीनाने एका मुलाखतीत मोठा खुलासा केला. एवढंच नाही तर, रवीना हिने अभिनेत्री ऐश्वर्या राय हिच्यासाठी देखील पुढाकार घेतला होता. सध्या सर्वत्र रवीना – ऐश्वर्या यांच्या खासगी आयुष्याची चर्चा रंगली आहे.

एका मुलाखतीत अभिनेत्रीला कॅमेऱ्यापासून दूर राहण्याच्या अनुभवाबद्दल विचारलं. यावर रवीना म्हणाली, ‘मला तेव्हा माझ्यवर कोणत्याही प्रकारचा दबाव नव्हता. तेव्हा अशी वेळ होती जेव्हा माझ्या शरीरामुळे मझ्यावर निशाणा साधण्यात आला. बॉडी शेमिंगला मी बळी पडली होती. त्यामुळे मी स्वतःच्या कॅमेऱ्यापासून दूर ठेवणं योग्य समजलं…’ असं अभिनेत्री म्हणाली.

रवीना हिने फक्त स्वतःबद्दल नाही, ऐश्वर्या हिच्यासाठी देखील पुढाकार घेतला होता. ‘आई झाल्यानंतर ऐश्वर्या हिला देखील बॉडी शेमिंगचा सामना करावा लागला. ऐश्वर्या प्रचंड सुंदर आहे, पण जेव्हा आराध्याचा जन्म झाला तेव्हा ऐश्वर्या देखील लाईमलाईटपासून दूर होती. आराध्या हिच्या जन्मानंतर ऐश्वर्याला तिच्या वाढलेल्या वजनामुळे ट्रोल करण्यात आलं.’

पुढे रवीना म्हणाली, ‘ऐश्वर्याने स्वतःच्या शरीराकडे लक्ष न देता कुटुंबाला पूर्ण वेळ दिला. तेव्हा मी माध्यमांना पत्र लिहिलं होतं आणि ऐश्वर्या हिच्यासाठी पुढाकार घेतला होता.’ असं देखील रवीना एका मुलाखतीत म्हणाली होती. आज ऐश्वर्या कायम तिच्या मुलीमुळे चर्चेत असते.

रिपोर्टनुसार, आता ऐश्वर्या राय लेक आराध्या बच्चन हिच्यासोबत परदेशात जाणार आहे. आराध्या बच्चन पुढच्या शिक्षणासाठी परदेशात जाणार आहे. पुढच्या शिक्षणासाठी आराध्या लंडन किंवा न्यूयॉर्क याठिकाणी जाऊ शकते. असं सांगण्यात येत आहे. सध्या आराध्या धीरुबाई अंबानी शाळेत शिक्षण घेत आहे. 10 वी पर्यंत शिक्षण पूर्ण झाल्यानंतर आराध्या परदेशात जाईल.. असं सांगण्यात येत आहे.