Abhijeet Dipke : अभिजीत दिपके यांना अमेरिकेतून निधी पुरवला जातोय…प्रसिद्ध गायिकेचा दावा, काय म्हणाली?

प्रसिद्ध अमेरिकन गायिका मेरी मिलबेन भारतीय पंतप्रधान नरेंद्र मोदी यांची मोठी फॅन आहे. तिनं पंतप्रधान मोदी, भारत आणि भारतीय संस्कृतीबद्दल आपलं प्रेम वारंवार व्यक्त केलं आहे. तिनं अनेक प्रसंगी पंतप्रधान मोदींचं कौतुक केलं आहे आणि आता गायिका पुन्हा एकदा पंतप्रधान मोदींच्या समर्थनार्थ पुढे आली आहे. पंतप्रधानांना पाठिंबा देताना, मेरीनं CJP वर त्यांच्या देशाकडून, म्हणजेच अमेरिकेकडून, निधी घेत असल्याचा आरोप केला आहे.

मेरी मिलबेनची पोस्ट

एका सोशल मीडिया पोस्टमध्ये, मेरी मिलबेननं CJP अमेरिकेकडून निधी घेत असल्याचा आरोप केला आणि भारतातील तरुण पिढीला CJP विरोधात आवाज उठवण्याचं आवाहन केलं. गायिकेनं लिहिलं की, ‘भारतीय तरुण देशभक्तांनो, शांत बसण्याची ही वेळ नाही. पंतप्रधान मोदींच्या नेतृत्वाखाली तुमचं भविष्य रोखणारे अमेरिकनच अमेरिकेतून अभिजीत दिपकेला निधी पुरवत आहेत. पण घाबरू नका, तुमच्या पंतप्रधानांनी देशसेवेसाठी २५ वर्षे समर्पित केली आहेत. यापैकी १२ वर्षे ते पंतप्रधान होते आणि सलग तिसऱ्यांदा पंतप्रधान म्हणून निवडून आले आहेत. माझ्या देशातून जे अडचणी निर्माण करत आहेत, त्यांच्यापुढे ते झुकणार नाहीत.’

मेरी पुढे म्हणाली, ‘हे देणगीदार एकाच पद्धतीने काम करतात. एखाद्या पुराणमतवादी नेत्याला टार्गेट करण्यासाठी, ते त्या देशातील एका सुशिक्षित व्यक्तीला शोधतात, त्याला कट्टर बनवतात, त्याला देशात परत पाठवतात आणि गोंधळ व विध्वंस घडवण्यासाठी निधी पुरवतात. यात कोणालाही यश आलं नसलं तरी, त्याचा त्या देशाच्या शासनावर आणि विकासावर परिणाम होतो.’

To all the beautiful young patriots in India:

This is not the time to be silent. @abhijeet_dipke and the @Cockroachisback are being funded by donors in the U.S. who are against Prime Minister @NarendraModi and your future under his leadership. Do not fear, my young patriots. Your Prime Minister, who has served India for 25 years, 12 years as Prime Minister, elected three consecutive terms, is not going to bow to disruptive forces from my country.

And these select donors have a pattern globally – target conservative global leaders, find an U.S. educated person from the country, radicalize them, send them back to the country, and fund them to start chaos and destruction. None of them have been successful but have impacted the development and governance of the country.

It is time for a new voice in #India, born, raised, educated on the soil of India, to RISE UP, organize, and peacefully protest the disruptive spirit of the Cockroach Party. There should always be a counter movement to uphold democracy and freedom.

Rise up, young patriots! Rise up!

— Mary Millben (@MaryMillben) October 14, 2026

सीजेपीच्या आंदोलनांना प्रत्युत्तर म्हणून प्रति-चळवळ सुरू झाली पाहिजे, अशी विनंती मेरीनं पुढे केली. तिनं शेवटी म्हटलं की, ‘भारतात आता एका नव्या आवाजाची वेळ आली आहे, जो इथेच जन्मलेला आणि वाढलेला असेल. जो सीजेपीसारख्या पक्षाला त्यांच्या विचारसरणीला शांततेनं विरोध करेल. आता एका प्रति-चळवळीची गरज आहे.’

दरम्यान, सीजेपी आंदोलनाला अनेक बॉलिवूड कलाकारांनी पाठिंबा दिला आहे.