‘माझं कुठलं पात्र तुम्हाला आवडतं?’ दीपिका पादुकोणच्या प्रश्नावर पती रणवीर आणि बहिण अनिशा पादुकोण म्हणाली…
दीपिकाने नुकतंच एक व्हीडिओ इन्स्टाग्रामवर शेअर केला आहे. यात तिने आतापर्यंत साकारलेली पात्र सांगितली आहेत आणि चाहत्यांना यापैकी कोणती भूमिका सर्वाधिक आवडली असं विचारलं आहे. त्यावर तिचा पती आणि अभिनेता रणवीर सिंगने आपली प्रतिक्रिया दिली आहे.
मुंबई : दीपिका पादुकोण (Deepika Padukone) बॉलिवूडच्या टॉप 5 अभिनेत्रींपैकी एक. तिचे सिनेमे सुपरहिट ठरतात. तिने साकारलेली पात्र प्रेक्षकांच्या लक्षात राहतात. दीपिकाने नुकतंच एक व्हीडिओ इन्स्टाग्रामवर शेअर केला आहे. यात तिने आतापर्यंत साकारलेली पात्र सांगितली आहेत आणि चाहत्यांना यापैकी कोणती भूमिका सर्वाधिक आवडली असं विचारलं आहे. त्यावर अनेकांनी कमेंट करून आपलं उत्तर दिलं आहे. तिचा पती आणि अभिनेता रणवीर सिंगनेही आपली प्रतिक्रिया दिली आहे. त्याने या सगळ्यातली एक भूमिका निवडणं कठीण असल्याचं म्हटलंय. तर तिची बहिण अनिशाने मला ‘तू’ आवडतेस अशी कमेंट केली आहे.
दीपिकाची इन्स्टाग्राम पोस्ट
दीपिकाने नुकतंच एक व्हीडिओ इन्स्टाग्रामवर शेअर केला आहे. यात तिने आता पर्यंत साकारलेली पात्र सांगितली आहेत . यात ओम शांती ओम मधलं तिचं शांती प्रिया हे पात्र, राम लिलामधलं लीला, ये जवानी है दिवानीमधलं नयना, चेन्नई एक्सप्रेसमधली तिची भूमिका, पीकू, आणि आता तिचा येत असलेला गेहराईयाँ चित्रपटातील अलिशा ही पात्र आहेत. चाहत्यांना यापैकी कोणती भूमिका सर्वाधिक आवडली असं विचारलं आहे. त्यावर अनेकांनी कमेंट करून आपलं उत्तर दिलं आहे.
श्वेता बच्चनला ‘पीकू’ आवडते
दीपिकाच्या या व्हीडिओवर अनेकांनी कमेंट केल्या आहेत. अमिताभ बच्चन यांची मुलगी श्वेता बच्चनने आपलं आवडतं पात्र सांगितलं आहे. तिला पीकू चित्रपटातील ‘पीकू’ हे पात्र आवडल्याचं तिनं सांगितलं आहे. या चित्रपटात अमिताभ बच्चन यांची देखील महत्वाची भूमिका होती.
‘गेहराईयाँ’ या आगामी चित्रपटाच्या प्रमोशनसाठी दीपिका वेगवेगळ्या कार्यक्रमांमध्ये जाताना दिसतेय. तिने नुकतंच बिग बॉस 15 च्या ग्रॅण्ड फिनालेला हजेरी लावली होती. तसंच ती द कपिल शर्मा शोमध्ये देखील दिसणार आहे.
संबंधित बातम्या
