मुंबई : चंकी पांडेची मुलगी अनन्या पांडे (Ananya Panday) सध्या चर्चेत आहे. अनन्या आणि विजय देवरकोंडा यांचा बहुप्रतिक्षित लाइगर हा चित्रपट काही दिवसांपूर्वी चाहत्यांच्या भेटीला आला. मात्र, जेवढी या चित्रपटाची चर्चा होती, त्या तुलनेत लाइगर चित्रपट काही खास कामगिरी करू शकला नाहीये. 17 शहरांमध्ये चित्रपटाचे (Movie) जोरदार प्रमोशन करूनही चित्रपटाला बाॅक्स ऑफिसवर (Box office) चांगले कलेक्शन करण्यात यश मिळाले नाहीये. लाइगरची कमाई दणक्यात होणे अपेक्षित होते. चित्रपटाच्या अपयशाचे खापर आता अनन्या पांडेवर फोडले जातंय. इतकेच नाही तर लाइगर चित्रपटाच्या अपयशामुळे अनन्यालाही मोठा फटका बसताना दिसतोय.
लाइगर चित्रपटाचे ट्रेलर आणि गाणे प्रेक्षकांना प्रचंड आवडली होती. ट्रेलरपासून चाहत्यांमध्ये कमालीची उत्सुकता बघायला मिळत होती. मात्र, प्रत्यक्षात चित्रपट रिलीज झाल्यानंतर नेमके काय घडले हे कळण्याच्या अगोदरच चित्रपट बाॅक्स ऑफिसवर फेल गेला. हा चित्रपट प्रदर्शित होण्यापूर्वी टॉलिवूडमध्ये अनन्या पांडेच्या नावाची प्रचंड चर्चा बघायला मिळत होती. इतकेच नाही तर यादरम्यान अनन्याला चित्रपटाच्या ऑफर्स देखील मिळत होत्या.
लाइगर चित्रपट प्रदर्शित झाल्यानंतर अनन्या पांडे तिच्या फीसमध्ये मोठी वाढ करणार असल्याच्या बातम्या येत होत्या. मात्र, बाॅक्स ऑफिसवर लाइगर काही खास कमाई करून न शकल्याने ज्या चित्रपटांच्या ऑफर्स अनन्याला आल्या होत्या, ते निर्माते आता वेगळ्या चेहऱ्याच्या शोधात आहेत. अनन्या पांडे चित्रपटात काही खास कामगिरी करू न शकल्याने लाइगर चित्रपट फ्लाॅप झाल्याचा आरोप गेल्या अनेक दिवसांपासून सातत्याने केला जातोय.