Gangubai Kathiawadi Dholida : ‘गंगूबाई काठियावाडी’चं पहिलं गाणं रिलीज, ‘ढोलिडा’चा सोशल मीडियावर धुमाकूळ
'गंगूबाई काठियावाडी' या चित्रपटातील 'ढोलिडा' गाणं आज रिलीज झालंय. या गाण्यात आलिया वेगळ्या अंदाजात पहायला मिळतेय.
आयेशा सय्यद, मुंबई : बॉलिवूड अभिनेत्री आलिया भट्टचा ( Alia Bhatt) ‘गंगूबाई काठियावाडी‘ (Gangubai kathiawadi) हा चित्रपट 25 फेब्रुवारीला प्रदर्शित होणार आहे. प्रदर्शनाआधी या चित्रपटाचं गाणं रिलिज झालं आहे. ‘गंगूबाई काठियावाडी’ या चित्रपटातील ‘ढोलिडा’ (Dholida) गाणं आज रिलीज झालंय. या गाण्यात आलिया वेगळ्या अंदाजात पहायला मिळतेय. आलियाने इंस्टाग्राम अकाउंटवर या गाण्याचा टीझर शेअर केला होता. तेव्हापासून या गाण्याविषयी उत्सुकता होती. आता हे गाणं रिलीज झालंय. या गाण्याला चांगला प्रतिसाद मिळताना दिसतोय. दोन तासात दीड लाखांहून अधिक लोकांनी हे गाणं पाहिलं आहे.
‘ढोलिडा’ गाणं रिलीज
‘गंगूबाई काठियावाडी’ या चित्रपटातील ‘ढोलिडा’ गाणं आज रिलीज झालंय. या गाण्याला तुफान प्रतिसाद मिळताना दिसतोय. दोन तासात दीड लाखांहून अधिक लोकांनी हे गाणं पाहिलं आहे. यावर अनेकांनी कमेंट करून गाण्याविषयीची आपली प्रतिक्रिया दिली आहे. कुणी हे गाणं आवडल्याचं म्हटलंय. तर कुणी आलियाच्या कामाची तारिफ केली आहे.
आलिया भट्टचा दबंग लूक
या गाण्यात आलिया भट्टने पांढऱ्या साडी नेसली आहे. या गाण्यातला तिचा दबंग लूक अनेकांना आवडला आहे. आलिया दबंग स्टाईलमध्ये रस्त्यावरून जाते आणि तिला बघून सगळे नमस्कार करताना दिसतात. हे गाणे बघायला जितकं सुंदर आहे तितकंच ते ऐकायला चांगलं वाटत. आलियाचा लूक आणि डान्सही या गाण्याच्या सौंदर्यात भर टाकतो.
चित्रपट 25 फेब्रुवारीला रिलीज होणार
संजय लीला भन्साळी दिग्दर्शित गंगूबाई काठियावाडी हा चित्रपट चर्चेत आहे. या आधी हा सिनेमा 6 जानेवारी प्रदर्शित होणार होता मात्र आता हा चित्रपट 25 फेब्रुवारीला प्रदर्शित होणार आहे.
संबंधित बातम्या
