राखी सावंत हिच्या अत्यंत जवळच्या व्यक्तीचे निधन; अभिनेत्रीवर दुःखाचा डोंगर

मुंबई : राखी सावंत यांची आई जया भेदा (Jaya Bheda) यांचे निधन झाले. जया भेदा यांना मुंबईतील क्रिटीकेअर रुग्णालयात दाखल केले होते. राखी सावंत (Rakhi Sawant) यांनी व्हिडीओ पोस्ट करून आईची प्रकृती बरी नसल्याचं सांगितलं होतं. राखी सावंत यांची आई ब्रेन ट्यूमरनं पीडित होत्या. हा ट्युमर फुफ्फुसापर्यंत पसरल्याचं राखी सावंतला माहिती होतं. माझ्या आईसाठी प्रार्थना करा, अशी विनंती तिनं केली होती. परंतु, आता राखी सावंत यांच्या आईचं निधन झालं.

गेल्या काही वर्षांपासून राखी सावंत यांची आई ट्यूमरने पीडित होती. सलमान खानसह काही सेलिब्रेटीजनी त्यांना मदत केली होती. आईच्या प्रकृतीवरून कित्तेकदा राखी सावंत भावूक झाल्याचे पाहायला मिळत होते.

या मैत्रिणीने केला खुलासा

राखी सावंतच्या टीममधून तिची मैत्रीण राजश्री मोरे हिने या वृत्ताला दुजोरा दिला आहे. राजश्री या राखी सावंतच्या आईला बघायला रुग्णालयात आल्या होत्या.

राखीच्या आईला बघायला वॉर्डात गेल्यानंतर अर्ध्या तासात डॉक्टरांनी राखीच्या आईला मृत घोषित केलं. राखीच्या आईचं पार्थिव शरीर जुहूच्या क्रिटिकेअर रुग्णालयात नेलं जाईल. सकाळी त्यांच्या पार्थिवावर अंतिम संस्कार केले जातील.

राखी सावंत आईवरून भावूक

राखी सावंत आपल्या आईच्या खूप जवळ होती. बिग बॉसच्या घरातही कित्तेकदा राखी सावंत आईवरून भावूक झाल्याचं पाहायला मिळालं.

राखी सावंतने आदिलसह आईच्या इच्छेखातर लग्न केलं होतं. राखी आणि आदिल यांचं लग्न ७ महिन्यांपूर्वी झालं. या लग्नाचा खुलासा नुकताच झाला.