Shah Rukh Khan | ओपनिंग जबरदस्त तरीही साऊथच्या या दोन चित्रपटांना मागे टाकण्यात पठाण चित्रपटाला अपयश

Pathaan

मुंबई : सर्वत्र सध्या अभिनेता शाहरुख खान (Shah Rukh Khan) याच्या पठाण चित्रपटाची चर्चा रंगताना दिसत आहे. शाहरुख खान याने तब्बल चार वर्षांनंतर बाॅलिवूडमध्ये पठाण चित्रपटाच्या माध्यमातून जोरदार पुनरागमन नक्कीच केले आहे. २०१९ मध्ये शेवटी झिरो या चित्रपटामध्ये शाहरुख खान हा दिसला होता. यामुळे शाहरुख खान याच्या पठाण या चित्रपटाकडून सर्वांनाच मोठ्या अपेक्षा होत्या. विशेष म्हणजे शाहरुख खान हा देखील चाहत्यांच्या अपेक्षांमध्ये खरा उतरला आहे. पठाण चित्रपटामध्ये शाहरुख खान याचा कधीही न बघितलेल्या अंदाज बघायला मिळतोय. शाहरुख खान याचा पठाण चित्रपट बघून चाहते फिदा झाले आहेत. पठाण चित्रपट गेल्या काही दिवसांपासून मोठ्या वादाच्या भोवऱ्यात सापडला होता. मात्र, हाच वाद चित्रपटासाठी फायदेशीर ठरल्याचे दिसत आहे.

पठाण चित्रपटाची रिलीज डेट जाहिर झाल्यापासूनच शाहरुख खान याच्या चाहत्यांमध्ये या चित्रपटाबद्दल कमालीची उत्सुकता होती. विशेष म्हणजे चित्रपटाचे टीझर रिलीज झाल्यावर एक अंदाजा आला की, शाहरुख खान हा या चित्रपटामध्ये काहीतरी धमाल नक्कीच करणार आहे.

गेल्या काही दिवसांपासून बाॅलिवूडचे चित्रपट बाॅक्स आॅफिसवर काही खास कमाल करू शकत नसतानाच पठाण या चित्रपटाने जबरदस्त ओपनिंग केलीये. पठाण चित्रपटातील बेशर्म रंग हे गाणे रिलीज झाल्यानंतर मोठा वाद निर्माण झाला होता.

बेशर्म रंग गाणे रिलीज झाल्यानंतर अनेकांनी पठाण या चित्रपटावर बंदी घालण्याची मागणी थेट करून टाकली होती. यामुळे चित्रपटाला फटका बसण्याची शक्यता वर्तवण्यात आली. मात्र, आता चित्रपट रिलीज झाल्यानंतर याचा चित्रपटाला फायदा झाल्याचे दिसत आहे.

जरी शाहरुख खान याचा पठाण हा चित्रपट बाॅक्स आॅफिसवर धमाका करत असला आणि चित्रपटाच्या ओपनिंग डेला चित्रपटाने 55 कोटीं कमावले आहेत. तरीही पठाण या चित्रपटाला साऊथच्या दोन चित्रपटांना ओपनिंग डेच्या कमाईमध्ये मागे टाकण्यात अपयश मिळाले.

साऊथच्या आरआरआर चित्रपटाने ओपनिंग डेला जगभरातून 225.5 कोटी कमावले होते. तर बाहुबली 2 ने ओपनिंग डेला जगभरातून 213 कोटी कमावले होते. शाहरुख खान याच्या पठाण चित्रपटाला हे रेकाॅर्ड तोडण्यात अपयश आले आहे.