Father’s Day 2021 : ‘फादर्स डे’ निमित्त हीना खानची भावनिक पोस्ट, म्हणाली हे फोटो तुम्हाला दाखवले नाही कारण…

मुंबई : आज प्रत्येकजण फादर्स डे (Father’s Day) साजरा करत आहे. या निमित्तानं प्रत्येकजण आपल्या वडिलांसाठी सोशल मीडियावर काही खास पोस्ट शेअर करत आहेत. तर दुसरीकडे, बॉलिवूड अभिनेत्री हीना खान (Hina Khan) या निमित्तानं प्रचंड भावनिक झाली आहे. या ‘फादर्स डे’ला तिचे वडील तिच्यासोबत नसणार हे हीनाला माहित नव्हतं. वडिलांची आठवण म्हणून हीनानं त्याच्यासोबतचे काही सुंदर फोटो शेअर केले आहेत.

बाबा हे फोटो तुम्ही पाहायला हवे होते…

हे फोटो शेअर करत हीनाने लिहिलं की, ’20 जून, बाब तुम्हाला निघून जायला 2 महिने झालेत. आपण 7 महिन्यांपूर्वी हे फोटो क्लिक केले होते आणि मी हे फोटो तुम्हाला दाखवले नाहीत कारण मला हे मला खास दिवशी शेअर करायचे होते. मी आज हे फोटो शेअर करेन असा विचार केला नव्हता. बाबा हे फोटो तुम्ही पाहायला हवे होते. आपण हेच डिझाइन केलेलं ना??? मिस यू. हॅपी फादर्स डे डॅडी. मी तुमच्यावर खूप प्रेम करते.’

पाहा पोस्ट (See Post)

वडिलांच्या मृत्यूवेळी हीना होती श्रीनगरमध्ये 

हीनाच्या या पोस्टवर चाहत्यांसह सेलेब्रिटींनी अनेक प्रतिक्रिया दिल्या आहेत. हीनासाठी प्रत्येकानं प्रेम दाखवलं आहे. जरी प्रत्येकाचं प्रेम हीनावर असलं तरी तिच्या वडिलांची आठवण आणि प्रेम कोणीही पूर्ण करू शकत नाही. वडिलांच्या निधनानंतर हीना खूपच तुटली होती. वडिलांचं निधन झालं आणि ती बातमी समजताच ती तातडीनं मुंबईला परत आली. यादरम्यान तिचं श्रीनगरमध्ये शूट सुरु होतं.

वडिलांच्या मृत्यूनंतर कोरोनाचं संक्रमण

यानंतर हीना कोरोना पॉझिटिव्ह होती. हीनानं पुन्हा स्वत:ची काळजी घेतली आणि कामावर आली. तिनं सांगितलं होतं की ती आपल्या वडिलांची स्ट्राँग मुलगी आहे. हीना ज्या शूटिंगसाठी श्रीनगरला गेली होती त्या गाण्याचं काही दिवसांपूर्वी रिलीज करण्यात आलं आहे. गाण्याचं नाव ‘बारिश बन जाना आहे’. या गाण्यात शाहीर शेख हीनासोबत दिसला आहे. गाण्यातील दोघांची केमिस्ट्री प्रेक्षकांना खूप आवडली आहे.

संबंधित बातम्या

Photo : क्रिती सेनॉनचा क्लासी लूक, ब्लॅक आऊटफिटमध्ये हटके फोटो शेअर

Photo : श्वेता तिवारीची मुलगी पलक तिवारीचा सोशल मीडियावर जलवा, नवनवीन फोटोशूट शेअर