मुंबई : अश्लील चित्रपट प्रकरणी राज कुंद्रा (Raj Kundra) तुरुंगात गेल्यानंतर त्याची पत्नी बॉलिवूड अभिनेत्री शिल्पा शेट्टी (Shilpa Shetty) पती राज याला घटस्फोट देण्याच्या तयारीत असल्याची बातमी समोर आली होती. मात्र, आता सोशल मीडियावर व्हायरल होत असलेल्या फोटोंनी त्यांच्या घटस्फोटाच्या बातम्यांना पूर्णविराम दिला आहे. अश्लील चित्रपट प्रकरणी अटक आणि जामिनानंतर राज कुंद्रा आणि शिल्पा शेट्टी पहिल्यांदाच एकत्र माध्यमांसमोर दिसले.
राज कुंद्रा याला जुलैमध्ये अटक करण्यात आली होती. मुंबई पोलिसांच्या सूत्रांकडून मिळालेल्या माहितीनुसार, राज कुंद्राने या अश्लील चित्रपट बनवण्याच्या उद्योगात सुमारे 8 ते 10 कोटींची गुंतवणूक केली होती. तसेच, या व्हिडीओंचे शूटिंग भारतात करण्यात आले आणि त्यानंतर वी-ट्रान्सफर मार्गे यूकेला हस्तांतरित केले गेले होते. तब्बल दोन महिने तुरुंगात राहिल्यानंतर सप्टेंबरमध्ये तो जामिनावर तुरुंगातून बाहेर आला आहे.
तुरुंगातून बाहेर आल्यानंतर राज कुंद्रा कुठेही सार्वजनिक ठिकाणी दिसला नाही. सध्या, राज कुंद्रा आणि शिल्पा शेट्टी यांच्या पहिल्या सार्वजनिक अपिरीयंसबद्दल बोलायचे तर, सोशल मीडियावर व्हायरल झालेल्या या फोटोंमध्ये दोघेही एकमेकांच्या हातात हात घालून दिसत आहेत. हे फोटो हिमाचल प्रदेशातील धर्मशाला येथील आहेत, जिथे दोघे मंदिरातून बाहेर पडताना एकत्र स्पॉट झाले होते.
शिल्पा शेट्टी आणि राज कुंद्रा दोघांनीही यावेळी मॅचिंग कपडे घातले होते. राज कुंद्राने पिवळा कुर्ता आणि पांढरा पायजामा घातला होता, तर शिल्पा शेट्टी पिवळी सलवार आणि कमीज परिधान केली होती. दोघांनी मिळून श्री ज्वालामुखी शक्तीपीठाला भेट दिली आणि माँ दुर्गाकडे सर्वांचे आरोग्य चांगले राहो, अशी मागणी मागितली. यावेळी राज कुंद्रा आणि शिल्पा दोघांनाही त्यांच्या सुरक्षा रक्षकांनी घेरलेले दिसले. तिथे उपस्थित काही लोकांनी दोघांसोबत फोटोही काढले.
हे फोटो समोर येण्यापूर्वी शिल्पा शेट्टीने तिच्या इंस्टाग्राम स्टोरीवर धर्मशाळेतील या मंदिराला भेट देताना काही व्हिडीओ शेअर केले होते. मात्र, या व्हिडीओंमध्ये राज कुंद्रा तिच्यासोबत कुठेही दिसत नव्हता. कदाचित मुद्दाम शिल्पाने राज कुंद्रासोबतचे व्हिडीओ किंवा फोटो शेअर केले नव्हते. कारण, तिला पुन्हा ट्रोल होण्याची भीती वाटत होती.
हे फोटो समोर आल्यानंतर एक गोष्ट स्पष्ट झाली आहे की, शिल्पा शेट्टी अजूनही तिचा पती राज कुंद्राच्या प्रेमात आहे. अश्लील चित्रपट प्रकरण दोघांच्या नात्यामध्ये अंतर आणू शकले नाही आणि हे फोटो दोघे वेगळे होणार असल्याच्या बातम्यांचे खंडनही करतात.
लिटिल चॅम्प्सच्या गाण्याने उषा मंगेशकर प्रभावित, लता दीदींना केली चिमुकल्यांची गाणी ऐकण्याची विनंती!