इरा खान आणि नुपूर शिखरे यांचे फोटो सोशल मीडियावर तूफान व्हायरल

मुंबई : बाॅलिवूड अभिनेता आमिर खानची लेक इरा खान कायमच चर्चेत असते. इराने अजून बाॅलिवूडमध्ये पदार्पण केले नाहीये. विशेष म्हणजे काही दिवसांपूर्वीच इराने हे स्पष्ट केले होते की, मला बाॅलिवूडमध्ये येण्याची काही इच्छा नाहीये. इरा बाॅलिवूडपासून चार हात दूर राहत असली तरीही इरा कायमच प्रसिद्धी झोतात असते. इरा नेहमीच सोशल मीडियावर आपला प्रियकर नुपूर शिखरेसोबतचे काही फोटो आणि व्हिडीओ शेअर करते.

नुकताच इराने सोशल मीडियावर प्रियकर नुपूर शिखरेसोबतचे दोन खास फोटो शेअर केले आहेत. या फोटोमध्ये इरा आणि नुपूर एकदम सुंदर लूकमध्ये दिसत असून हे दोघे ऐकमेकांकडे अत्यंत प्रेमाने बघताना दिसत आहेत.

इराने नुपूरसोबतचे हे फोटो आपल्या इंन्स्टाग्रामवर शेअर केले आहेत. विशेष म्हणजे हे दोन्ही फोटो आता सोशल मीडियावर व्हायरल होत आहेत. इराने काही दिवसांपूर्वीच नुपूरसोबत एंगेजमेंट देखील केली आहे.

इराने शेअर केलेल्या एका फोटोमध्ये नुपूरने हातामध्ये कप पकडलेला दिसतोय. बालपणी माझे लैंगिक शोषण झाले होते, असा धक्कादायक खुलासा काही दिवसांपूर्वी इराने केला होता.

इतकेच नाही तर मी सहा वर्षांची होते. त्यावेळी मला टीबी झाला होता, असेही इराने यापूर्वी सांगितले आहे. नेहमीच काही तरी मोठे खुलासे करून इरा चर्चेत असते.

इरा आणि नुपूर शिखरे हे दोघे लवकरच लग्न करणार असल्याची चर्चा गेल्या काही दिवसांपासून सातत्याने रंगताना दिसत आहे. याचवर्षी इरा आणि नुपूर लग्नबंधणात अडकू शकतात.

नुपूर शिखरे हा आमिर खानचा होणारा जावई असण्यासोबतच तो एक फिटनेस ट्रेनर आहे. नुपूरने आतापर्यंत अनेक अभिनेते आणि अभिनेत्रींचा फिटनेस ट्रेनर म्हणून काम केले आहे. इतकेच नाही तर नुपूर काही दिवस आमिर खानचा देखील फिटनेस ट्रेनर होता.