सुकेश चंद्रशेखर प्रकरणात जॅकलिन फर्नांडिससह या प्रसिद्ध फॅशन डिझायनरची होणार चौकशी, वाचा संपूर्ण प्रकरण…

मुंबई : ठग सुकेश चंद्रशेखर (Sukesh Chandrasekhar) प्रकरणात बॉलिवूड अभिनेत्री जॅकलिन फर्नांडिसचे पाय खोलात असल्याचे आता स्पष्टच झाले आहे. इतकेच नव्हे तर सुकेश चंद्रशेखरच्या प्रेमात जॅकलिन इतकी आंधळी झाली होती की, तिला सुकेश चंद्रशेखरसोबत लग्नही करायचे होते. सुकेश चंद्रशेखर प्रकरणी दररोज वेगवेगळे खुलासे पुढे येत असून फक्त जॅकलिन फर्नांडिसच (Jacqueline Fernandez) नव्हे तर बॉलिवूडमधील 5 प्रसिध्द अभिनेत्री देखील सुकेशच्या संपर्कात असल्याचे स्पष्ट झाले. याप्रकरणी जॅकलिनला आज 19 सप्टेंबर रोजी तिसऱ्यांना दिल्ली पोलिसांच्या आर्थिक गुन्हे शाखेने चौकशीसाठी (Inquiry) बोलावले आहे. सकाळी 11 वाजता जॅकलिनला कार्यालयात चौकशीसाठी पोहचावे लागणार आहे.

जॅकलिन फर्नांडिसची तिसऱ्यांदा होणार चाैकशी

दिल्ली पोलिसांच्या आर्थिक गुन्हे शाखेने जॅकलिन फर्नांडिसला आज चौकशीसाठी बोलावले आहे. मात्र, यावेळी जॅकलिनसोबत प्रसिद्ध फॅशन डिझायनर लीपाक्षी देखील असणार आहे. जॅकलिन फर्नांडिस आणि लीपाक्षी यांची समोरासमोर चौकशी केली जाऊ शकते, अशी महत्वाची माहिती मिळत आहे. डिझायनर लिपाक्षीलाही पोलिसांनी समन्स बजावले आहे. सध्याची परिस्थिती बघितल्यावर जवळपास हे स्पष्टच आहे की, पुढील काही दिवसांमध्ये जॅकलिन फर्नांडिसच्या समस्यांमध्ये मोठी वाढ होणार.

जॅकलिनसोबत या प्रसिद्ध फॅशन डिझायनरची होणार चाैकशी

रिपोर्टनुसार, जॅकलीनची ओळख सुकेश चंद्रशेखरशी पिंकी इराणीने केली होती. त्यानंतर दिल्ली पोलिसांच्या आर्थिक गुन्हे शाखेने जॅकलीन आणि पिंकी इराणीची समोरासमोर चाैकशी केली. या चाैकशी दरम्यान दोघींनी एकमेकींवर जोरदार आरोप केल्याची माहिती आहे. या सर्व प्रकरणी नोरा फतेहीला चाैकशीसाठी बोलवण्यात आले होते. सुकेशने नोरालाही महागडे गिफ्ट दिल्याची माहिती उघड झाल्याने नोराही या प्रकरणात अडकलीये.