Raju Srivastav | राजू श्रीवास्तव यांच्या आयुष्यात ‘हा’ अभिनेता होता रिअल हिरो…
10 ऑगस्ट 2022 रोजी जिममध्ये व्यायाम करताना राजूला हृदयविकाराचा झटका आला आणि ते जमिनीवर पडले. त्यानंतर राजू यांना दिल्लीच्या एम्स रुग्णालयात दाखल करण्यात आले.
मुंबई : कॉमेडियन राजू श्रीवास्तव (Raju Srivastav) यांना जिममध्ये व्यायाम करताना हृदयविकाराचा झटका आल्याने दिल्लीतील एम्स रूग्णालयात दाखल करण्यात आले होते. 41 दिवसांनी राजू यांची प्राणज्योत मावळली. राजू यांच्या कुटुंबीयांवर दु:खाचा डोंगर कोसळलांय. चाहते देखील दु:खात आहेत. राजू यांचा ताप (fever) कमी होत नव्हता. आता राजू हे आपल्यामध्ये नाहीयेत, परंतू आयुष्यभर (Life) राजू यांनी लोकांना पोटधरून हसवले आहे. लोकांना हसवण्यात राजू यांना एक वेगळ्याच आनंद मिळायचा. राजू यांनी वयाच्या 58 व्या वर्षी शेवटचा श्वास घेतलांय.
राजू श्रीवास्तव या अभिनेत्याचे मोठे चाहते
राजू श्रीवास्तव हे बॉलिवूड अभिनेते अमिताभ बच्चन यांचे खूप मोठे चाहते होते. याच कारणामुळे जेव्हा राजू रूग्णालयात व्हेंटिलेटरवर होते, तेव्हा अमिताभ बच्चन यांचा एक ऑडिओ ऐकवण्यात आला होता. अमिताभ बच्चन यांचे डायलॉग लहानपणापासूनच राजू यांना प्रचंड आवडायचे. विशेष म्हणजे राजू हे अमिताभ बच्चन यांना कॉपी करायचे जे प्रेक्षकांना प्रचंड आवडत होते. राजू श्रीवास्तव यांच्या आयुष्यातील रिअल हिरो अमिताभ बच्चन हेच होते.
10 ऑगस्ट 2022 ला जिम करताना आला होताहृदयविकाराचा झटका
10 ऑगस्ट 2022 रोजी जिममध्ये व्यायाम करताना राजूला हृदयविकाराचा झटका आला आणि ते जमिनीवर पडले. त्यानंतर राजू यांना दिल्लीच्या एम्स रुग्णालयात दाखल करण्यात आले, रुग्णालयात दाखल असताना राजू श्रीवास्तव यांना व्हेंटिलेटरवर ठेवण्यात आले होते. त्यांची प्रकृती सुरूवातीपासूनच चिंताजनक होती. मात्र, कुटुंबीय आणि चाहते सातत्याने चांगल्या आरोग्यासाठी प्रार्थना करत होते.